تالدىقورعان پوليسيا باسقارماسىنىڭ باستىعى ۇستالدى. ول 27 جاستاعى قىزدى زورلادى دەگەن كۇدىككە ءىلىندى، - دەپ حابارلايدى اlmaty-akshamy.kz.
وقيعانى وبلىستىق پوليسيا دەپارتامەنتىنىڭ باسپا ءسوز قىزمەتى راستادى.
"تالدىقورعان قالالىق پوليسياسىنىڭ باستىعى ۋاقىتشا ۇستاۋ يزولياتورىنا قامالدى. ول وبلىس ورتالىعىنىڭ 27 جاستاعى تۇرعىنىن زورلادى دەگەن كۇدىككە ءىلىندى. ق ر قىلمىستىق كودەكسىنىڭ 120-بابى 2-بولىگى ("ادام قىزمەتتىك مىندەتتەرىن ورىنداۋ كەزىندە جاساعان زورلاۋ") بويىنشا قىلمىستىق ءىس قوزعالدى"، - دەپ حابارلادى جەتىسۋ وبلىستىق پوليسيا دەپارتامەنتى.
ءمان-جاي سوتالدى تەرگەپ-تەكسەرۋ شەڭبەرىندە قاجەتتى ساراپتامالار تاعايىندالىپ، زەردەلەنەدى.
قىلمىستىق ءىس ىشكى ىستەر مينيسترلىگىنىڭ ەرەكشە باقىلاۋىنا الىندى.