سوتتالعاندار 1 ملن تەڭگە كولەمىندە گرانتقا يە بولىپ، ءوز بيزنەستەرىن اشتى.
تالدىقورعان قالاسى پروباسيا قىزمەتىنىڭ ەسەبىندە تۇرعان ءۇش سوتتالعان كونكۋرستىق نەگىزدە ءبىر ميلليون تەڭگە كولەمىندە گرانتقا يە بولىپ، ءوز بيزنەستەرىن اشتى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى دەرەك بويىنشا، الماتى وبلىسى بويىنشا قاجد قاراستى تالدىقورعان قالالىق پروباسيا قىزمەتى ءبولىمى، الماتى وبلىسىنىڭ پروكۋراتۋراسى جانە «تالدىقورعان وڭىرلىك جۇمىسپەن قامتۋعا جاردەمدەسۋ قورى» قوعامدىق قورىمەن بىرلەسىپ، «الماتى وبلىسى اكىمدىگىنىڭ ىشكى ساياسات باسقارماسى» مم قولداۋىمەن پروباسيا قىزمەتىندە ەسەپتە تۇرعان سوتتالعاندار قاتارىنان الەۋمەتتىك كاسىپكەرلىك سالاسىندا ءوز ءىسىن ىسكە اسىرۋ ءۇشىن ءبىر ميلليون تەڭگە مولشەرىندە گرانت بەرۋ ماقساتىندا «ەكىنشى مۇمكىندىك» جوباسىن ىسكە اسىردى.
بۇل جوباعا تالدىقورعان پروباسيا قىزمەتىنىڭ ەسەبىندە تۇرعان سوتتالعان ادامدار جانە قاماۋ ورىندارىنان بوساتىلعان ادامدار قاتىستى.
ۇيىمداستىرۋشىلار «ءوز الەۋمەتتىك بيزنەسىڭدى باستا» اتتى وقىتۋ سەمينارىن وتكىزدى. وقىتۋ ءار ءتۇرلى ءىس-شارالاردى ۇيىمداستىرۋ ادىسىمەن ءوتتى. وقۋ سەمينارى اياقتالعاننان كەيىن فينالعا شىققاندار وزدەرىنىڭ بيزنەس-جوبالارىنىڭ پرەزەنتاسيالارىن قورعادى.
بايقاۋ كوميسسياسىنىڭ شەشىمى بويىنشا، تالدىقورعان قالاسىنداعى پروباسيا قىزمەتىنىڭ ءۇش سوتتالۋشىسى ءارقايسىسىنا 1 ملن. تەڭگە كولەمىندە گرانت بەرىلدى. گرانتتار كارىز قۇدىقتارىن تازالاۋ، دانەكەرلەۋ جۇمىستارىنا جانە شاشتاراز قىزمەتتەرىنە قاجەت جابدىقتاردى ساتىپ الۋ ءۇشىن پايدالانىلاتىن بولادى.
«تالدىقورعان قالاسىنىڭ پروباسيا قىزمەتىنىڭ جانە جالپى الماتى وبلىسى بويىنشا قاجد قىزمەتكەرلەرىنە ءبىز ءۇشىن وسىنداي قيىن ۋاقىتتا ءوز بيزنەسىن اشۋعا مۇمكىندىك بەرگەنى ءۇشىن العىسىمدى بىلدىرەمىن. ماعان شاشتاراز اشۋ ءۇشىن جابدىق ساتىپ الۋعا كومەكتەستى، مەن سۇلۋلىق سالونىن اشتىم. ماعان سەنگەندەرىڭىز ءۇشىن كوپ راحمەت! ارينە، جەڭۋ وڭاي بولعان جوق. مەن ءوز ءىسىمدى اشقانىما قۋانىشتىمىن»، – دەيدى گرانت يەگەرلەرىنىڭ ءبىرى.
الماتى وبلىسىندا پروباسيا قىزمەتىنىڭ ەسەبىندە تۇرعان ادامدارعا مەملەكەتتەن وتەۋسىز گرانتتار بەرۋ جىل سايىنعى داستۇرگە اينالدى.
«ەستەرىڭىزگە سالا كەتەيىك، وسى جوبانىڭ ارقاسىندا ەكى سوتتالۋشى شينومونتاج جانە پلاستيكالىق تەرەزەلەر مەن ەسىكتەر جاساۋ بويىنشا ءوز بيزنەسىن ءساتتى دامىتۋدا»، – دەپ اتاپ ءوتتى الماتى وبلىسى بويىنشا قاجد باستىعىنىڭ ورىنباسارى جانىبەك قوسجانوۆ.