بۇل تۋرالى №36 قالالىق ەمحانانىڭ باس دارىگەرىنىڭ ۇيىمداستىرۋ-ادىستەمەلىك جۇمىسى جونىندەگى ورىنباسارىنىڭ مىندەتىن اتقارۋشى ۆەنەرا توحتاحۋنوۆا ايتتى. ول الماتى تۇرعىندارىنا ۇجىمدىق يممۋنيتەتتى قالىپتاستىرۋ جانە قالىپتى ومىرگە ورالۋ ءۇشىن تەزىرەك ۆاكسينالانۋدى ۇسىندى، دەپ حابارلايدى Almaty-akshamy.kz.
ۆ. توحتاحۋنوۆا قازاقستاندا قولدانىلاتىن كوروناۆيرۋسقا قارسى ۆاكسينالارعا ەگجەي-تەگجەيلى توقتالدى. ول ۆاكسينالاردىڭ اراسىندا ايتارلىقتاي ايىرماشىلىق جوق ەكەنىن، بارلىعى جوعارى تيىمدىلىك كورسەتكەنىن اتاپ ءوتتى.
دارىگەردىڭ ايتۋىنشا، بۇگىندە قازاقستاندا ۆاكسينا سالۋ بىرنەشە پرەپاراتتارمەن جۇرگىزىلەدى.
«رەسەيلىك گام-كوۆيد «سپۋتنيك V» - بۇل ۆەكتورلىق ۆاكسينا، ەكىنشى كومپونەنتتى 21 كۇننەن كەيىن الادى. Hayat-Vax – ءباا ۆاكسيناسى. ول سونداي-اق ەكى كومپونەنتتەن تۇرادى، ەكىنشى كومپونەنت 14-28 كۇننەن كەيىن، ياعني كەزەڭى قىسقالاۋ. قىتايلىق ۆاكسينا CoronaVac – ەكىنشى كومپونەنت 14-28 كۇننەن كەيىن ۆاكسينالانادى. QazVac وتاندىق ۆاكسيناسى دا بار – ەكىنشى كەزەڭى 21 كۇننەن كەيىن. ايىرماشىلىعى - «سپۋتنيك V» - بۇل ۆەكتورلىق ۆاكسينا، ال قالعاندارى يناكتيۆاسيالانعان، ياعني ولار ەسكى ءادىس بويىنشا جاسالعان. ولاردىڭ اراسىندا ەرەكشە ايىرماشىلىق جوق جانە ولاردىڭ ءارقايسىسى كۆي-دان قورعايدى جانە ءولىم جاعدايىنان 100% جانە ينفەكسيادان 90% قورعايدى»، - دەدى ۆ. توحتاحۋنوۆا.
دارىگەر ۆاكسينالانعان ادام جۇقتىرسا دا، ول كوروناۆيرۋستى جەڭىل نەمەسە سيمپتومسىز تۇردە وتكىزەتىنىن باسا ايتتى.
ەسكە سالساق، الماتىداعى ەپيدەميولوگيالىق احۋالعا بايلانىستى «قوڭىر قىزىل» ايماق ەندى. 2 تامىزدا قالادا كوروناۆيرۋستىق ينفەكسيانىڭ 1 540 جاعدايى (جەرگىلىكتى) تىركەلدى، ونىڭ ىشىندە 1 440 سيمپتومدى، 136 سيمپتومسىز. بارلىعى 4 930 ادام (240 بالا) فيزيكالىق تۇردە ينفەكسيالىق ستاسيونارلاردا جاتىر (7045 ورىن).
2021 جىلدىڭ 1 اقپانىنان 1 تامىزىنا دەيىنگى كەزەڭدە بارلىعى 725 575 ادام ۆاكسينانىڭ 1ء-شى كومپونەنتىن الدى. وتكەن تاۋلىكتە 4 971 ادامعا ەكپە جاسالدى. 60 جاستان اسقان ۆاكسينالانعانداردىڭ جالپى سانى 99 587 ادام.
قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ سوسو-لارىندا 167 ەكپە پۋنكتى بار (250-گە دەيىن ۇلعايتۋ مۇمكىندىگىمەن). 1038 ادامنان تۇراتىن 234 ەكپە بريگاداسى جۇمىس جۇمىلدىرىلعان.