پاندەميا كەزىندە دىنگە سەنۋشىلەر شىركەۋگە جۇگىنەدى، وندا ولار ۆاكسيناعا دا قاتىستى سۇراقتارعا جاۋاپ ىزدەيدى. الماتى ەپارحياسىنىڭ ۆيكارى، تالدىقورعان ەپيسكوپى نەكتاريي ورىس پراۆوسلاۆيە شىركەۋىنىڭ ۆاكسينالاۋ ماسەلەسىنە تانىمى تۋرالى ايتىپ، كوروناۆيرۋسپەن كۇرەستىڭ الدىڭعى شەبىندە جۇمىس ىستەيتىن عالىمدار مەن دارىگەرلەردىڭ العىس پەن قۇرمەتكە لايىق ەكەنىن اتاپ ءوتتى، دەپ حابارلايدى almaty-akshamy.kz.
ءدىن وكىلىنىڭ ايتۋىنشا، بۇگىندە ءبىزدىڭ قوعام ءالى بۇرىن كەزدەسپەگەن كوروناۆيرۋستىق ينفەكسيانىڭ اۋىر سىناقتارىن باستان وتكەرۋدە.
«COVID-19 كوپتەگەن ادامداردىڭ ءومىرىن قيدى جانە ەلدەر مەن حالىقتاردىڭ ومىرىنە ايتارلىقتاي كەدەرگى كەلتىردى. سالدارىن جويۋعا جانە اۋرۋدىڭ ودان ءارى تارالۋىنا جول بەرمەۋگە كوپ كۇش سالىپ جاتقان عالىمدار مەن دارىگەرلەر زور ريزاشىلىق پەن قۇرمەتكە لايىق. كۇرەس شارالارىنىڭ ءبىرى رەتىندە ماماندار ۆاكسينا الۋدى ۇسىنادى. بۇگىندە بۇرىنعىداي مەديسينا عىلىمىنىڭ، سونىڭ ىشىندە ەكپە ارقىلى كوپتەگەن اۋرۋلاردىڭ الدىن الۋعا، ءولىم-جىتىمدى تومەندەتۋگە جانە ءومىر ءسۇرۋ ۇزاقتىعىن ارتتىرۋعا مۇمكىندىك تۋدى»، - دەيدى الماتىلىق ەپارحيانىڭ ۆيكارى.
ول كوپتەگەن ەپيدەميالار كەزىندە ەكپە قولدانۋ ارقىلى جويىلعانىن قاداپ تۇرىپ ايتتى. وپش وكىلى وسى جىلدىڭ مامىر ايىندا ماسكەۋدەگى سرەتەنسكايا تەولوگيالىق اكادەمياسىندا پراۆوسلاۆ ءىلىمى اياسىندا ۆاكسيناسيا مەن ەتيكالىق ماسەلەلەردى تالقىلاۋ ءۇشىن دوڭگەلەك ۇستەل وتكىزىلگەنىن حابارلادى. ساراپشىلار مەن پراۆوسلاۆيەنىڭ قاۋىمداستىق وكىلدەرى ۆاكسينا سالدىرۋ نەمەسە ودان باس تارتۋ ءار ادامنىڭ جەكە شەشىمى دەدى. ال ۆاكسينالاۋ تۋرالى تەرىس پىكىر تاراتۋشىلاردىڭ جالعان سوزدەرىنە سەنبەۋ، جاسىرىن چيپتەۋ تۋرالى كونسپيرولوگيالىق پىكىرلەر «انارحيست ءمورىنىڭ قابىلدانۋىمەن» بىردەي دەپ سانالاتىن جالعان ىلىمدەردىڭ تارالۋى ۇلكەن كۇنا ەكەنىن اتاپ ءوتتى.
«شىركەۋ يممۋنولوگيا سالاسىنداعى زەرتتەۋلەر مەن كوروناۆيرۋستىق ينفەكسيامەن كۇرەسۋدىڭ ءتۇرلى مەديسينالىق شارالارىن دامىتۋدى، ۆاكسينالاۋ ماسەلەسىندە جەكە قۇقىقتىڭ ساقتالۋىن قولدايدى»، - دەدى تالدىقورعان قالاسىنىڭ نەكتاريي ەپيسكوپى.
ول قازاقستاننىڭ پراۆوسلاۆ شىركەۋىنىڭ باسشىسى، استانا مەن قازاقستان ءميتروپوليتى الەكساندردىڭ باستاماسىمەن الماتى قالاسىنىڭ تۇرعىندارى ءۇشىن رەسەيدەن سپۋتنيك V ۆاكسيناسىنىڭ 10 800 دوزاسى ساتىپ الىنعانىن ايتتى. 1ء-شى جانە 2ء-شى كومپونەنتتەرمەن 5400 الماتىلىقتى كوروناۆيرۋسقا قارسى ۆاكسينالاۋعا بولادى.
ۆاكسينا الماتىعا 2021 جىلدىڭ 9 تامىزىندا اۋليە ليۋك اتىنداعى مەديسينالىق ورتالىققا (ۆوينو-ياسەنەسكيي) جەتكىزىلەدى، سودان كەيىن الماتى قالاسى اكىمدىگىنىڭ وكىلدەرىنە تاپسىرىلادى.
وپش وكىلى ۆاكسينا تۇرعىنداردىڭ دەنساۋلىعىن ساقتاپ، ولاردىڭ اعزاسىن نىعايتادى دەپ سانايدى.
اتاپ ايتقاندا، الەمدىك ءدىني وكىلدەرى ۆاكسينالانۋدان باس تارتاتىن بارلىق ءدىني سەنۋشىلەر تەك وزدەرىن عانا ەمەس، اينالاسىنداعىلاردىڭ دەنساۋلىعىن ويلاۋلارى ءتيىس. ويتكەنى، بارلىق ءدىن ەڭ الدىمەن جاقىندارىن قورعاۋدى باستى پارىز سانايدى.