تالدىقورعان اكىمى تاعايىندالدى

تالدىقورعان اكىمى بولىپ ءبازىل ەرنات دۇيسەنبەك ۇلى تاعايىندالدى.

بۇعان دەيىن ول 2023 جىلدىڭ اقپان ايىنان وسى كۇنگە دەيىن جەتىسۋ وبلىسى اكىمىنىڭ ورىنباسارى بولدى، دەپ حابارلايدى Almaty-akshamy.kz.

ءبازىل ەرنات دۇيسەنبەك ۇلى 1978 جىلى تۋعان، ءبىلىمى جوعارى. قازاق مەملەكەتتىك ساۋلەت-قۇرىلىس اكادەمياسىن قۇرلىسشى ينجەنەر، م.ح.دۋلاتي اتىنداعى تاراز مەملەكەتتىك ۋنيۆەرسيتەتىن قارجى ماماندىقتارى بويىنشا بىتىرگەن.

ەڭبەك جولىن الماتى قالاسىندا «بازيس-ا كورپوراسياسى» جشس-نىڭ ۋچاسكە شەبەرى بولىپ باستاپ، وسى سەرىكتەستىكتە پروراب، ۋچاسكە باستىعى بولعان.

بىرنەشە جىل استانا جانە الماتى قالالارىنداعى جەكە قۇرىلىس كومپانيالارىندا ءتۇرلى قىزمەتتەردە ىستەدى.

ءار جىلدارى الماتى قالاسىنىڭ قۇرىلىس باسقارماسىندا جەتەكشى مامان، باس مامان، ءبولىم باستىعى، ەنەرگەتيكا جانە كوممۋنالدىق شارۋاشىلىق باسقارماسىنىڭ باس مامانى، ءبولىم باسشىسى، باسقارما باسشىسىنىڭ ورىنباسارى، الماتى قالاسى جەتىسۋ اۋدانى اكىمىنىڭ ورىنباسارى، نۇر-سۇلتان قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى، الماتى قالاسى جەتىسۋ اۋدانى اكىمىنىڭ ورىنباسارى، جەتىسۋ وبلىسىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى لاۋازىمدارىن اتقاردى.