ءتۇسىرىلىم پروسەسى جەتىسۋ وبلىسىندا ءوتتى.
پانفيلوۆ اۋدانىنداعى اۋليەاعاش اۋىلىندا «تالاق» تولىقمەتراجدى تاريحي كوركەم ءفيلمىنىڭ ءتۇسىرىلىمى اياقتالدى، دەپ حابارلايدى Almaty-akshamy.kz.
«فيلم قازاقتىڭ كورنەكتى جازۋشىسى بەيىمبەت ءمايليننىڭ «تالاق» جانە «اجە» شىعارمالارىنىڭ جەلىسىمەن ءتۇسىرىلدى»،- دەپ جازادى فيلم رەجيسسەرى دانيار سالامات ءوزىنىڭ Facebook پاراقشاسىندا.
XX عاسىردىڭ 20-30 جىلدارىن كوز الدىڭا اكەلەتىن بۇل تۋىندىعا ەلدى كۇشتەپ كولحوزداستىرۋدىڭ سالدارى، سول كەزدەگى حالىقتىڭ تۇرمىس مادەنيەتىنىڭ وزەكتى ماسەلەلەرى، ايەل تاعدىرى ارقاۋ بولعان.
فيلم ق ر مادەنيەت جانە سپورت مينيستىرلىگىنىڭ تاپسىرىسى بويىنشا «ۇلتتىق كينونى قولداۋ مەملەكەتتىك ورتالىعى» كەاق قولداۋىمەن ءتۇسىرىلدى.
تۋىندىداعى باستى رولدەردى بەلگىلى اكتەر ەربولات ءالقوجا جانە جاس اكتەرلار اميرا وماروۆا، ايانا باۋىرجانوۆا سومدايدى.
