بۇل ۇسىنىستى يران سىنعا الدى.
بۇۇ ەكونوميكالىق جانە الەۋمەتتىك كەڭەسى يراندى 2026 جىلعا دەيىن ايەلدەر جاعدايى جونىندەگى كوميسسيادان شىعارۋ ءۇشىن داۋىس بەردى، دەپ حابارلايدى Almaty-akshamy.kz Euronews-كە سىلتەمە جاساپ..
29 مەملەكەت ۇسىنىستى قولداپ داۋىس بەرسە، 16 ەل داۋىس بەرۋدەن قالىس قالدى. بوليۆيا، زيمبابۆە، قازاقستان، جۇڭگو، نيگەريا، نيكاراگۋا، ومان جانە رەسەي قارسى ەكەنىن ءبىلدىردى.
داۋىس بەرۋ اقش باستاماسىمەن جۇرگىزىلدى. بۇل ۇسىنىستى يران سىنعا الىپ، زاڭسىز جانە بۇعان دەيىن بولماعان دەپ اتادى.
بۇۇ تەگەراندى ايەلدەر قۇقىعىن، سونىڭ ىشىندە ءوز پىكىرىن ءبىلدىرۋ قۇقىعىن بۇزدى جانە ۇكىمەتكە قارسى نارازىلىقتاردى قاتىگەزدىكپەن باسىپ جاتىر دەپ ايىپتادى.
ولار قىركۇيەكتىڭ ورتاسىندا حيدجابتى دۇرىس تاقپاعانى ءۇشىن تۇتقىندالعان ماحسى ءامينيدىڭ ولىمىنەن كەيىن باستالدى. كەيىن اكسيا بۇكىل ەلدە ءوتتى.
بىرنەشە ۇەۇ مالىمەتىنشە، نارازىلىق اكسياسىن باسۋ ناتيجەسىندە 400 ادام قازا تاۋىپ، 2000-عا جۋىعى تۇتقىندالدى. يران بيلىگى 11 ادامدى ءولىم جازاسىنا كەستى.