جوعارى وقۋ ورىندارىنىڭ تالاپكەرلەردى ۆيرتۋالدى قابىلداۋى ەڭ سەنىمدى تاسىلدەرىنىڭ بىرىنە اينالىپ وتىر.
وتكەن جىلى شالعايداعى اۋىلداردىڭ مىڭداعان تۇلەكتەرىنىڭ قۇجاتتارى وسىلاي قابىلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيىل دا جوعارى وقۋ ورىندارى ۆيرتۋالدى كەڭسەلەرىن قايتا اشتى، قابىلداۋ كوميسسيالارى العاشقى جۇمىس كۇندەرىنەن باستاپ وتىنىشتەردى ونلاين قابىلداۋعا ءازىر. مۇندا ۋنيۆەرسيتەت قىزمەتكەرلەرى كەڭەس بەرەدى جانە بەينەبايلانىس ارقىلى قۇجاتتاردى قابىلدايتىن بولادى.
«قىزمەت كورسەتۋدىڭ تيىمدىلىگى مەن جىلدامدىعىن ارتتىرۋ ماقساتىندا سونداي-اق، اۋا رايىنىڭ اپتاپ ىستىعى جاعدايىندا قىزمەتكەرلەردىڭ شتاتى كەڭەيتىلدى. قىزمەت كورسەتۋگە ستۋدەنتتەر قاتارىنان ەرىكتىلەر توبى تارتىلۋدا. بيىل ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ 2022 جىلدىڭ 13-20 شىلدە ارالىعىندا جۇزەگە اسىرىلماق. سوندىقتان Egov ەلەكتروندى ۇكىمەت پورتالىنداعى ۋاقىتشا ولقىلىقتار تالاپكەرلەردىڭ قىزمەت كورسەتۋ ساپاسىنا جانە قۇجاتتار تاپسىرۋىنا ەش كەرى اسەرىن تيگىزبەيدى»، - دەپ جازدى ۆەدومستۆو.
ۋنيۆەرسيتەتتەر مەن ۆيرتۋالدى قابىلداۋ كوميسسيالارى ءۇشىن بارلىق قاجەتتى بايلانىس اقپاراتتارى ۇلتتىق تەستىلەۋ ورتالىعىنىڭ www.testcenter.kz سايتىندا ورنالاسقان.