ەلىمىزدە قانت قورى قانشا؟

ەلىمىزدە شىلدە ايىندا 37 مىڭ توننا قانت ءوندىرۋ جوسپارلانىپ وتىر.

ال ونىڭ يمپورتى 39،7 مىڭ توننا بولادى دەپ كۇتىلۋدە، دەپ حابارلايدى Almaty-akshamy.kz Elorda.info-عا cىلتەمە جاساپ.

ماۋسىم ايىندا ءۇشىنشى ەلدەردەن باجسىز اكەلۋگە ارنالعان كۆوتا شەڭبەرىندە 23،5 مىڭ توننا ءونىم يمپورتتالدى. اكىمدىكتەردىڭ دەرەكتەرى بويىنشا، ماۋسىم ايىنىڭ باسىندا قورلارداعى كولەم 28،9 مىڭ توننانى قۇرادى. اۋىسپالى قور شىلدە ايىنىڭ باسىندا 27،2 مىڭ توننانى كورسەتتى.

زاۋىتتاردىڭ دەرەكتەرىنە سايكەس، 11 شىلدەدەگى كورسەتكىش بويىنشا، رەسپۋبليكاداعى قانت قورى 26،8 مىڭ توننا.

مينيسترلىك ونىممەن قامتاماسىز ەتۋ ءۇشىن 250 مىڭ توننا كولەمىندە قانت پەن قۇراق شيكىزاتىن باجسىز اكەلۋگە كۆوتا ءبولدى.  قالعان 100 مىڭ توننانى بولۋگە وتىنىمدەر قابىلدانىپ جاتىر. كۆوتالاردىڭ قولدانىلۋ مەرزىمى 31 قازانعا دەيىن ۇزارتىلىپ، ءتورت جۇمىس توبى قۇرىلىپ (زاۋىتتار، وبلىس اكىمدىكتەرى، ق ر قم مكك، «قتج» ۇك» اق) شەڭبەرىندە قانت كولەمدەرىن وڭىرلەرگە جەدەل ءبولۋ جۇزەگە اسىرىلادى، قانت ءوندىرۋ مەن جەتكىزۋدىڭ اپتا سايىنعى كەستەسى پىسىقتالىپ وتىرادى.

سونداي-اق ۇكىمەت وتاندىق قانت نارىعىنداعى جاعدايدى تۇراقتاندىرۋ جونىندەگى بەس جىلدىق كەزەڭگە ارنالعان ءىس-شارالار جوسپارىن ماقۇلدادى. وعان جوسپار اياسىندا قانت قىزىلشاسىن ەگۋ الاڭدارىن ۇلعايتۋ، سۋارۋ جەلىلەرىن قايتا قۇرۋ جانە سالۋ، قانت زاۋىتتارىن جاڭعىرتۋ، ىشكى نارىقتى قورعاۋ، مەملەكەتتىك قولداۋ شارالارىن كورسەتۋ جونىندەگى ءىس-شارالار كىرەدى. سونىمەن بىرگە، قانت قىزىلشاسىن قايتا وڭدەۋگە وتكىزۋدى سۋبسيديالاۋ ءنورماتيۆى ۇلعايتىلادى.

وسىلايشا، قازاقستاننىڭ اۋىل شارۋاشىلىعى مينيسترلىگىندە ىشكى نارىقتى قانتپەن قامتاماسىز ەتۋ ءۇشىن پارمەندى شارالار قابىلدانۋدا.