قازاقستان رەسپۋبليكاسى كولىك مينيسترلىگى مۇددەلى مەملەكەتتىك ورگاندارمەن بىرلەسىپ، تاكسوموتورلىق تاسىمالداۋ سالاسىندا زاڭناما تالاپتارىنىڭ ساقتالۋىن قامتاماسىز ەتۋ بويىنشا شارالار قابىلداۋدا، دەپ حابارلايدى aqshamnews.kz.
"اۆتوموبيل كولىگى تۋرالى" قازاقستان رەسپۋبليكاسى زاڭىنىڭ تالاپتارى:
تاكسي قىزمەتىن جۇزەگە اسىرۋ ءۇشىن ازاماتتار دارا كاسىپكەر نەمەسە زاڭدى تۇلعا رەتىندە تىركەلۋى ءتيىس.
قىزمەتتى باستاماس بۇرىن جەرگىلىكتى اتقارۋشى ورگانعا تاكسي قىزمەتىن باستاۋ تۋرالى حابارلاما جىبەرۋ قاجەت.
تاكسي قىزمەتىنە موبيلدىك قوسىمشا ارقىلى تاپسىرىس بەرۋدى تەك تىركەلگەن جانە رەسمي تۇردە قىزمەت كورسەتۋدى باستاعانى تۋرالى حابارلاما بەرگەن كاسىپكەرلەر عانا جۇزەگە اسىرا الادى.
قازاقستان اۋماعىندا شەتەلدىك تىركەۋ ءنومىرى بار نەمەسە ءرولى وڭ جاقتا ورنالاسقان كولىكتەرمەن جولاۋشىلاردى تاسىمالداۋعا تىيىم سالىنعان.
جولاۋشىلاردىڭ قاۋىپسىزدىگىن قامتاماسىز ەتۋ بويىنشا ۇسىنىستار:
ساپار باستالار الدىندا كولىك ماركاسى مەن ءنومىرىن، جۇرگىزۋشىنىڭ فوتوسۋرەتىن قوسىمشاداعى اقپاراتپەن سالىستىرىڭىز.
اقپارات سايكەس كەلمەسە، ساپاردان باس تارتىپ، قولداۋ قىزمەتىنە حابارلاسىڭىز.
ساپار بارىسىندا قاۋىپسىزدىك بەلدىگىن تاعۋدى ۇمىتپاڭىز.
جول ءجۇرۋ كەزىندەگى زاڭ بۇزۋشىلىقتار نەمەسە جۇرگىزۋشىنىڭ مىنەز-قۇلقىنا قاتىستى قولداۋ قىزمەتىنە ۋاقتىلى حابارلاڭىز.
جولاۋشىلار مەن تاسىمالداۋشىلاردان زاڭنامالىق تالاپتاردى ساقتاۋدى جانە قۇقىق بۇزۋشىلىقتاردى ۋاقىتىلى قۇقىق قورعاۋ ورگاندارىنا حابارلاۋدى سۇرايمىز.
تاكسي قىزمەتىندە ساپانى جانە قاۋىپسىزدىك ماسەلەسىنە ءمان بەرگەن ءجون.