الماتى پوليسياسى تاكسي پاركىن اشامىن دەپ تانىستارىن الداعان جامبىل وبلىسىنىڭ تۇرعىنىن ۇستادى، – دەپ حابارلايدى Almaty-akshamy.kz.
27 جاستاعى جامبىل وبلىسىنىڭ تۇرعىنى تاكسي پاركىن اشامىن دەگەن جەلەۋمەن تانىستارىن سان سوقتىرىپ كەتكەن. كۇدىكتى اينالاسىنداعىلاردى تاكسي پاركىن ۇيىمداستىرۋدى جوسپارلاپ وتىرعانىنا سەندىرگەن. ءبىراق جولاۋشىلار تاسىمالىمەن قامتاماسىز ەتۋ ءۇشىن وعان اۆتوكولىكتەر قاجەت بولعان. بىرنەشە تانىسى كولىكتەرىن تاكسوپارككە بەرۋگە جانە كەلىسىم بويىنشا كولىكتەرىن پايدالانعانى ءۇشىن ديۆيدەندتەرىن الۋعا كەلىسكەن. شىندىعىندا، مۇلدەم باسقاشا ارەكەت بولعان.
- ك.ەسىمدى ازامات اۆتوكولىكتەردى العاننان كەيىن ءۇشىنشى ادامدارعا ساتىپ، تۇسكەن اقشانى ءوزى يەمدەنگەن. وسىلايشا ۋادە ەتىلگەن تاكسي پاركى ءبىر كۇن دە جۇمىس ىستەمەگەن. الدانعان ازاماتتار كومەك سۇراپ بىزگە جۇگىندى. كۇدىكتى قاماۋعا الىندى. ونىڭ ارەكەتى ق ر قك-نىڭ 190-بابى (الاياقتىق) بويىنشا سارالانادى. تەرگەۋ جالعاسىپ جاتىر، — دەدى بوستاندىق اۋداندىق پب-عا قاراستى پوليسيا ءبولىمى باستىعىنىڭ ورىنباسارى كامال كەلەسپايەۆ.
بۇگىندە پوليسەيلەر ۇستالعان ادامنىڭ باسقا دا ىقتيمال ەپيزودتارعا قاتىسى بار-جوعىن تەكسەرىپ جاتىر. ق ر قپك-نىڭ 201 بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.