Allegiant اۋە كومپانياسىنىڭ تاجىريبەلى ۇشقىشى جەكەمەنشىك ۇشاقپەن سوقتىعىسۋدان قاشىپ، بورتتاعى 175 جولاۋشىنى امان الىپ قالدى. بۇل تۋرالى Daily Mail باسىلىمى كۋاگەردىڭ سوزىنە جۇگىنە وتىرىپ جازدى، - دەپ حابارلايدى Almaty-akshamy.kz.
21 جاستاعى دجەرريكا تاكەر (Jerrica Thacker) باسىلىمعا فلوريدا - كەنتۋككي رەيسىمەن ۇشقانىنىن ايتىپ بەردى. اۋەگە كوتەرىلگەننەن كەيىن جارتى ساعات وتە لاينەر 20 سەكۋند بويى جىلدام كوتەرىلە باستادى. زارەسى ۇشقان جولاۋشلىلار تۋربۋلەنتتىك ايماققا ءتۇسىپ كەتتىك دەپ ويلاعان، الايدا كوپ ۇزاماي ۇشقىش بايلانىسقا شىعىپ، بولعان جايدى ءتۇسىندىرىپ بەردى. سويتسە، ولار جەكەمەنشىك ۇشاقپەن بەتپە-بەت سوقتىعىسا جازداعان ەكەن.
«قۇلاپ بارا جاتقانداي ەلەستەدى. الدىمدا تۇرعان زاتتاردان مىقتاپ ۇستاپ الدىم دا، سابىرعا كەلۋگە تىرىستىم»، - دەيدى بويجەتكەن.
وقيعا ەكيپاج وكىلدەرى تاماق پەن سۋسىن تاراتىپ جۇرگەندە بولعان. باعىت بىردەن وزگەرگەندىكتەن بورتسەرىكتەردىڭ ءبىرى قۇلاپ، بىلەگىن اۋىرتىپ الدى. وعان كومەك كورسەتۋ ءۇشىن ۇشقىشتار ۇشاقتى قايتا قوندىردى.
«ەندى ۇشاققا قايتا وتىرمايتىنداي بولدىم. اۋە كومپانياسى بىزگە 200 دوللارعا (89 مىڭ تەڭگەدەي) ۆاۋچەرلەر تاراتتى. ءبىراق ونى قولدانبايتىن شىعارمىن»، - دەيدى دجەرريكا.