تايلاندتا قولعا تۇسكەن قازاقستان ازاماتىنا قانداي ايىپ تاعىلعانى بەلگىلى بولدى، دەپ حابارلايدى Almaty-akshamy.kz.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆودا وتكەن بريفينگ بارىسىندا مالىمدەدى، دەپ جازدى BAQ.KZ.
ايتۋىنشا، كەيبىر بۇقارالىق اقپارات قۇرالدارى اقپاراتتى قايتالاپ تەكسەرمەي، دەرەككوزگە سىلتەمە جاساپ تاراتقان.
وسىعان قاتىستى ءبىز مالىمەت سۇراتتىق، تاي بيلىگى راستادى. ءقازىر ونىڭ كىم ەكەنى انىقتالدى. شىن مانىندە ول قازاقستان رەسپۋبليكاسىنىڭ ازاماتى. تايلاند پوليسياسى ونى 45 تاۋلىككە قاماۋعا الدى. وعان اتالمىش ەلدە بولۋدىڭ ۆيزالىق رەجيمىن 4 كۇنگە اسىرىپ، بۇزعانى تۋرالى ايىپ تاعىلىپ وتىر. ودان باسقا رەسمي اقپارات تۇسكەن جوق. قازاقستاننىڭ تايلاند ەلشىلىگى بۇل ماسەلەنى باقىلاۋدا جانە تايلاندتىڭ قۇقىق قورعاۋ ورگاندارىمەن تۇراقتى بايلانىستا وتىر. ياعني، ونىڭ وق اتقانى، اتپاعانى بەلگىسىز. تەك كوشى-قون رەجيمىن بۇزعانى بەلگىلى، - دەدى رەسمي وكىل.
ەسكە سالا كەتەيىك، بۇعان دەيىن پحۋكەت اۋەجايىندا قازاقستان ازاماتىنىڭ ۇستالعانى تۋرالى حابار تاراعان بولاتىن.