ۇكىمەتتىڭ مۇنداي شەشىم قابىلداۋىنا ەلدەگى ەپيداحۋالدىڭ تۇراقتىلىعى مەن حالىقتى ۆاكسينالاۋدىڭ جوعارى دەڭگەيى سەبەپ بولدى
تايلاند بيلىگى شەتەلدىك تۋريستەر ءۇشىن ەلگە كىرۋ ەرەجەسىن وزگەرتتى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
بۇگىننەن باستاپ ولارعا Thailand Pass جۇيەسىن قولدانۋدىڭ قاجەتى جوق.
سونىمەن قاتار مەديسينالىق ساقتاندىرۋدىڭ بولۋى دا مىندەتتى ەمەس. تۋريستەردىڭ قولىندا تەرىس ناتيجەلى پتر-تەست انىقتاماسى نەمەسە ۆاكسينا العانىن راستايتىن قۇجات بولسا جەتكىلىكتى.
ۇكىمەتتىڭ مۇنداي شەشىم قابىلداۋىنا ەلدەگى ەپيداحۋالدىڭ تۇراقتىلىعى مەن حالىقتى ۆاكسينالاۋدىڭ جوعارى دەڭگەيى سەبەپ بولدى. وسى ۋاقىتقا دەيىن تۇرعىنداردىڭ 76 پروسەنتى ەكپە سالدىرعان.