بورتتا 106 ەكيپاج مۇشەسى بولعان
تايلاند اسكەري-تەڭىز كۇشتەرىنىڭ كەمەسى داۋىل كەزىندە اپاتقا ۇشىراپ، 31 تەڭىزشى ءىز-تۇزسىز جوعالىپ كەتتى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
تەڭىز كۇشتەرىنىڭ كەمەسى سيام شىعاناعىندا اپاتقا ۇشىرادى.
«سۋحوتاي» كورۆەتى دۇيسەنبىدە جەرگىلىكتى ۋاقىت بويىنشا ساعات 00:12 (استانا ۋاقىتى بويىنشا جەكسەنبى كۇنى ساعات 23:12) شاماسىندا سۋعا باتىپ كەتتى»، - دەپ حابارلادى تايلاند كورولدىگى اتك وكىلى، ادميرال پوككرونگ مونتاتپالين.
تايلاند كورولدىگى اسكەري-تەڭىز كۇشتەرىنىڭ مالىمەتى بويىنشا، داۋىل كەزىندە باتىپ كەتكەن «سۋحوتاي» كورۆەتىنىڭ بورتىندا 106 ەكيپاج مۇشەسى بولعان.
«دۇيسەنبى كۇنى تۇستەن كەيىن ولاردىڭ 75ء-ى ءقاۋىپسىز جەرگە جەتكىزىلدى»، - دەلىنگەن تايلاند كورولدىگى اسكەري-تەڭىز كۇشتەرىنىڭ مالىمدەمەسىندە.
مالىمدەمەگە سايكەس، كورولدىكتىڭ اسكەري-تەڭىز كۇشتەرى وقيعا ورنىنا ءۇش فرەگات پەن ەكى تىكۇشاقتى قۇتقارۋ قۇرالدارىمەن بىرگە جىبەرگەن. الايدا، قاتتى جەل مەن تولقىن قۇتقارۋ جۇمىستارىنا كەدەرگى كەلتىرگەن.