قۇرىلىسى ەكى ايدا اياقتالعانىن ايتقان جەرگىلىكتى بيلىك كوپىر ماڭىنداعى جولدى دا جوندەپتى.
«قىلكوپىردەن قۇتىلدىق». وسىلاي دەگەن الماتى وبلىسى كوكتال اۋىلىنىڭ تۇرعىندارى ەكى اۋىلدى جالعايتىن ەسكى وتكەلدىڭ جاڭارعانىن ايتىپ قۋانىپ وتىر. ەلدى مەكەن حالقى وسىدان ءۇش اي بۇرىن توزىعى جەتكەن كوپىردەن ازەر وتەمىز دەپ ارنامىزعا سۇحبات بەرگەن ەدى. اۋىل ادامدارىنىڭ سوزىنشە، كوپىر قۇرىلىسىنىڭ جۇمىسى سول كوپشىلىكتىڭ ارىزىنان كەيىن باستالعان، دەپ حابارلايدى Almaty-akshamy.kz Almaty.tv-گە سىلتەمە جاساپ.
اۋىل اراسىن جالعايتىن جالعىز جولدىڭ توزىعى جەتكەنىن جۇرت ءجيى ايتىپ كەلىپتى. ەكى مىڭعا جۋىق حالقى بار اۋىلدىڭ مەكتەپ بالاسى دا ءدال وسى كوپىردەن وتەتىن.
«ەسكى كوپىردە ءجۇرۋ وتە قيىن ەدى. ءوزىمىز دە تالاي وتتىك، وسى ماسەلەنى كوتەرىپ ەدىك. جاڭا كوپىر پايدا بولدى، جولىمىز جاقسى»، – دەدى كوكتال اۋىلىنىڭ تۇرعىنى اڭداس قۇرمانبەكوۆ.
ارىزىن ايتقان اۋىل ادامدارى قالاعا قاتىنايتىن جالعىز جولدان ءوتۋ ءۇشىن كولىكتى دە قالدىرىپ كەتەتىنىن ايتقان بولاتىن.
«الماتى» تەلەارناسىنا راحمەت! جاعدايىمىزدى كورىپ، اكىمشىلىكتىڭ ادامىن شاقىرىپ، جاساتىپ بەرىپ جاتىرسىزدار. كوڭىلىمىز كوتەرىلىپ قالدى»، – دەدى كوكتال اۋىلىنىڭ تۇرعىنى بينۇر قالمۇرزايەۆا.
قۇرىلىسى ەكى ايدا اياقتالعانىن ايتقان جەرگىلىكتى بيلىك كوپىر ماڭىنداعى جولدى دا جوندەپتى. الايدا ءالى دە كەم تۇستارى بارىن جاسىرمادى. ول ولقىلىقتار الداعى جىلى تولىق اياقتالادى ەكەن.
«الماتى» تەلارناسى كەلىپ ءتۇسىردى. وعان دەيىن تەندەر جاريالانعان. جول ءبولىمىنىڭ باستىعى دا كەلگەن. جولدىڭ ستاندارتى بويىنشا 6 مەتر ي 1،30 مەتر جاياۋ جۇرگىنشىلەر جولىنا جوندەۋ جۇرگىزىلدى»، – دەدى قاينار اۋىلدىق وكرۋگى اكىمىنىڭ ورىنباسارى نۇربول ەسكەنبايەۆ.
كوپىر قاۋىپسىزدىگىن قامتاماسىز ەتۋ ءۇشىن وعان قورشاۋ ورناتۋ دا قاراستىرىلىپتى. ال بەتوننان قۇيىلعان كوپىر قاينار اۋىلدىق وكرۋگىندەگى كوكتال اۋىلىن باسقالارمەن جالعايتىن جالعىز جول بولىپ ەسەپتەلەدى.