بۇل رەجيم 15 شىلدەدە كۇشىنە ەندى.
تايلاند قازاقستاندىقتار ءۇشىن 60 كۇندىك ۆيزاسىز رەجيم ەنگىزدى، دەپ حابارلايدى Almaty-akshamy.kz
ۇكىمەت سايتىنداعى حابارلاماعا سايكەس، شارا 93 ەلدىڭ ازاماتتارىنا قاتىستى.
پرەمەر-مينيستر سەتتا تحاۆيسينح راديكالدى شەشىمدى ەلدىڭ ەكونوميكالىق ءوسىمى ارتتا قالعاندىقتان قابىلدادى. كورولدىك ۆيزاسىز رەجيمدى ۇلعايتۋ قازاقستان مەن باسقا ەلدەردەن تۋريستەر اعىنىن ارتتىرىپ، ينۆەستيسيا تارتۋعا جانە جەرگىلىكتى بيزنەستى دامىتۋعا كومەكتەسەدى دەپ وتىر.
تايلاندتا جۇمىس پەن دەمالىستى 180 كۇنگە دەيىن بىرىكتىرەتىن تايلاند ۆيزا كۇشىنە ەندى. ۆيزا مۋاي-تايمەن اينالىسۋعا، مەديسينالىق پروسەدۋرالاردان وتۋگە جانە مادەني ءىس-شارالارعا قاتىسۋعا قولدانىلادى. Destination Thailand Visa بەس جىلعا شىعارىلادى دەپ جوسپارلانىپ وتىر. ءبىراق رۇقسات ەتىلگەن ەلدە بولۋ مەرزىمى 180 كۇن + 180 كۇن.