2025 جىلى تاعى 4 مىڭ ورىندىق ەكى مەكتەپ اشىلماق.
الماتىدا وقۋشى ورىندارىنىڭ تاپشىلىعىن كەزەڭ-كەزەڭىمەن تومەندەتۋ ءۇشىن قالا اكىمى ەربولات دوسايەۆتىڭ تاپسىرماسى بويىنشا جاڭا ءبىلىم بەرۋ نىساندارى مەن جۇمىس ىستەپ تۇرعان مەكتەپتەرگە قوسىمشا قۇرىلىستار سالىنۋدا، جەكە ينۆەستيسيالار ەسەبىنەن مەكتەپتەر اشۋ جوسپارلانۋدا، دەپ حابارلايدى Almaty-akshamy.kz قالالىق ءبىلىم باسقارماسىنا سىلتەمە جاساپ.
ورىن تاپشىلىعىن تومەندەتۋ ماقساتىندا 2024 جىلى جەرگىلىكتى بيۋدجەت ەسەبىنەن سايالى جانە زەردەلى شاعىن اۋداندارىندا 1100 ورىندىق ەكى مەملەكەتتىك مەكتەپتىڭ قۇرىلىسىن اياقتاۋ جوسپارلانۋدا. قۇرىلىس-مونتاجداۋ جۇمىستارى 2 585 ورىندىق 6 قوسىمشا قۇرىلىس بويىنشا جۇرگىزىلۋدە (اياقتالۋ مەرزىمى 2024-2025 جىلدار). اعىمداعى جىلى 1675 ورىندىق تاعى 4 قوسىمشا قۇرىلىستىڭ قۇرىلىسىن باستاۋ جوسپارلانۋدا.
«جايلى مەكتەپ» ۇلتتىق جوباسىن ىسكە اسىرۋ اياسىندا الماتى اكىمدىگىنىڭ جوبالىق ءوفيسىنىڭ قولداۋىمەن 36،8 مىڭ وقۋشى ورنىنا (ءبىر اۋىسىمدا) 22 مەكتەپ سالۋ جوسپارلانعان.
2024 جىلدىڭ سوڭىنا دەيىن 32،8 مىڭ ورىندىق 20 مەكتەپتى پايدالانۋعا بەرۋ جوسپارلانعان. ونىڭ ىشىندە وقۋ جىلى باستالعانعا دەيىن بەكىتىلگەن كەستەگە سايكەس 7 100 ورىندىق 5 مەكتەپ (№97، روزىباكييەۆ-ليەۆيتان كوشەسىندەگى مەكتەپ، اقبۇلاق ش/ا №154 مەكتەپ، «نۇرلى دالا» تك اۋدانىندا، تەرەكتى ش/ا) ىسكە قوسىلادى.
2025 جىلى تاعى 4 مىڭ ورىندىق ەكى مەكتەپ اشىلادى دەپ كۇتىلۋدە. وسىلايشا، كەلەسى جىلدىڭ 1 قىركۇيەگىنە قاراي وقۋشى ورىندارىنىڭ تاپشىلىعى باسقارىلاتىن دەڭگەيگە دەيىن 3-4 مىڭعا تومەندەيدى.