تايلاند ەلگە كىرەتىندەردەن ۆاكسينالاۋ پاسپورتىن قايتا تالاپ ەتە باستادى.

2023 جىلدىڭ 9 قاڭتارىنان باستاپ تايلاندقا بارعان جولاۋشىلاردىڭ ءبارى (18 جاستان اسقان) كوروناۆيرۋسقا قارسى كەمىندە ەكى دوزا ۆاكسينا العانىن راستايتىن پاسپورتتى كورسەتۋى قاجەت، دەپ حابارلايدى Almaty-akshamy.kz ءتىلشىسى «Air Astana» اۋە كومپانياسىنىڭ باسپا ءسوز قىزمەتىنە سىلتەمە جاساپ.

ۆاكسينانىڭ ەكىنشى كومپونەنتى ەلگە كىرۋدەن كەمىندە 14 كۇن بۇرىن الىنۋى كەرەك. ال، جولاۋشىلاردىڭ 5%-ى پتر-تەست تاپسىرادى.

«ۆاكسينالانباعان جولاۋشىلار دارىگەردەن كەمىندە كەيىنگى جارتى جىلدا (180 كۇن) كوروناۆيرۋستان جازىلعانىن راستايتىن حات نەمەسە انىقتاما الۋى ءتيىس. ددۇ مەن تايلاندتىڭ قوعامدىق دەنساۋلىق ساقتاۋ مينيسترلىگى ماقۇلداعان ۆاكسينالار ءتىزىمىن سىلتەمەگە ءوتىپ، كورۋگە بولادى.

تايلاندتا كوروناۆيرۋس جۇقتىرىپ الىپ، ءوز ەلىنىڭ تالاپتارى قايتۋعا رۇقسات بەرمەيتىن جولاۋشىلاردا كوروناۆيرۋستان ەمدەلۋ شىعىندارىن قاراستىراتىن مەديسينالىق ساقتاندىرۋى بولۋى كەرەك. جۇمىس بويىنشا ساياحاتتاۋشىلار، ونىڭ ىشىندە ەكيپاج مۇشەلەرى بۇل تالاپتى ورىنداۋ ءۇشىن قابىلداۋشى جاقتان حات ۇسىنا الادى»، - دەلىنگەن اۋە كومپانيا حابارلاماسىندا.

ۆاكسينالاۋ مەن ساقتاندىرۋ تالابىنىڭ تاي پاسپورتى بارلارعا، سونداي-اق ترانزيتپەن ساياحاتتاۋشى جولاۋشىلارعا قاتىسى جوق. ولار باراتىن ەلىنىڭ تالابىن ساقتاۋى كەرەك.