«Nick Jr» ارناسى بيىلدان باستاپ قازاق تىلىندە كورسەتىلە باستايدى.
بۇل تۋرالى اقپارات جانە قوعامدىق دامۋ ءمينيسترى دارحان ءقىدىرالى ايتتى، دەپ حابارلايدى Almaty-akshamy.kz.
2021 جىلدان بەرى شەتەلدىك ايگىلى بالالار تەلەارنالارى – «Nickelodeon»، «TiJi» جانە «ديسنەيدىڭ» ونىمدەرىن قازاق تىلىنە اۋدارۋ جوباسى ىسكە اسىرىلا باستاعانى بەلگىلى. ەندى بۇل قاتارعا «Nick Jr» ارناسى دا قوسىلاتىن بولدى.
«قازاق تىلىندەگى جاڭا ارنانىڭ ىسكە قوسىلۋى مەملەكەتتىك تىلدەگى كونتەنتتەردىڭ سانى مەن ساپاسىن ارتتىرۋعا ءوز سەپتىگىن تيگىزەدى دەگەن ويدامىز»، - دەيدى مينيستر.
Egemen.kz مالىمەتى بويىنشا، جوبانىڭ باستى ماقساتى – الەمدىك بالالار مەن ءجاسوسپىرىمدەر تەلەارنالارىنىڭ ونىمدەرىن قازاق تىلىنە اۋدارۋ ارقىلى مەملەكەتتىك تىلدەگى بالالار كونتەنءتىن دامىتۋ.
2021 جىلى «Nickelodeon» تەلەارناسىنىڭ 465 ساعاتتىق مازمۇنى اۋدارىلسا، 2022 جىلى 345 ساعاتتىق ءونىم قازاق تىلىندە سويلەي باستادى. بيىل 481 ساعاتتىق مازمۇندى اۋدارۋ جوسپارلانىپ وتىر. ونىڭ ىشىندە 190 ساعات «Nickelodeon» ارناسىنىڭ كونتەنتى جانە 291 ساعات «Nick Jr» ارناسىنىڭ كونتەنتى قازاق تىلىنە اۋدارىلادى. قازاق تىلىنە اۋدارىلعان كونتەنتتىڭ اۋديوجولاقتارى ارنايى FTP-سەرۆەرگە جۇكتەلگەن. ليسەنزيالىق قۇقىقتاردىڭ مەرزىمى – 2 جىل.
دارحان ءقىدىرالىنىڭ حابارلاۋىنشا، قازاق تىلىندەگى «Nickelodeon» باعدارلامالارىن تاراتۋ تەلەديداردىڭ پۋلتىندە ءتىلدى اۋىستىرۋ ارقىلى جۇزەگە اسىرىلدى. «قازىرگى ۋاقىتتا «Nickelodeon HD» ارناسى 100% لوكاليزاسيالانعان كونتەنتتى باعدارلامالاۋمەن ءبىرقاتار كابەلدىك وپەراتورىنان («قازاقتەلەكوم»، «TVCom»، «Beeline»، ت.ب.) بولەك ەفيرگە شىعادى. بۇل باعىتتاعى جۇمىستار الداعى ۋاقىتتا دا جۇيەلى تۇردە جالعاسا بەرەءدى»، دەيءدى سالا باسشىسى.
مينيسترلىكتىڭ ۇلتتىق ءمۇددەءنى قورعاۋ جولىنداعى بۇل جوباسى العاش رەت ۇلتتىق كەڭەستىڭ ءبىرىنشى وتىرىسىندا ايتىلعان ەدى. ال 2022 – بالالار جىلى جوبانىڭ ەكىنشى بولىگى ىسكە استى. اتاپ ايتقاندا، اقپارات جانە قوعامدىق دامۋ مينيسترلىگى «Nickelodeon» جانە «TiJi» كانالدارىمەن كەلىسسوزدەر جۇرگىزىپ، ىنتىماقتاستىق ورناتتى. ەلىمىزدىڭ كابەلدىك وپەراتورلارى وسى ارنالاردى قازاقشا كورسەتە باستادى. «Nickelodeon»-نىڭ بالالار مەن جاسوسپىرىمدەرگە ارنالعان بۇكىل الەمگە تانىمال تەلەارنا ەكەنىن ەسكەرسەك، شەتەلدىك بەلگىلى انيماسيالاردىڭ قازاقشا سويلەۋى ءقازاقتىلدى بالالار مەديا كونتەنتىنىڭ كوبەيۋىنە سەپتىگىن تيگىزەرى انىق.