تاعى ءبىر پارتيا وسك-عا قۇجاتتارىن وتكىزدى

Respublica پارتياسى بيىل 18 قاڭتاردا رەسمي تۇردە تىركەلدى.

Respublica پارتياسى ورتالىق سايلاۋ كوميسسياسىنا 19 ناۋرىزدا وتەتىن كەزەكتەن تىس ءماجىلىس جانە ءماسليحاتتار دەپۋتاتتارى سايلاۋىنا ءتيىستى قۇجاتتاردى وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

ورتالىق سايلاۋ كوميسسياسى مۇشەلەرى Respublica پارتياسى وكىلدەرى تاپسىرعان ءار قۇجاتتى جەكە تەكسەردى.

«قۇجاتتار ق ر سايلاۋ تۋرالى زاڭنىڭ 87-بابىندا كورسەتىلگەن ءتىزىم بويىنشا ۇسىنىلادى. ۇسىنىلعان قۇجاتتار بويىنشا ەسكەرتۋلەر جوق»، - دەدى وسك قۇجاتتاردى قابىلداۋ كوميسسياسىنىڭ باسشىسى ءاليا عالىموۆا.

«بۇگىن ورتالىق سايلاۋ كوميسسياسىنا ءتيىستى قۇجاتتاردى تاپسىردىق. پارتيا اتىنان سايلاۋعا 25 كانديدات جانە 4 ۇمىتكەر ءبىرمانداتتى سايلاۋ جۇيەسى بويىنشا ب ا ق سىنايدى. ونىڭ ىشىندە ەرلەر - 17، ايەلدەر - 8. كانديداتتاردىڭ ورتا جاسى – 38. ۇمىتكەرلەردىڭ ەڭ كىشىسى 25-تە، ۇلكەنى 51 جاستا»، - دەدى Respublica پارتياسىنىڭ سايلاۋالدى شتابىنىڭ باسشىسى ولجاس قۇسپەكوۆ.

6 اقپاندا پارتيا سەزىندە ءماجىلىس دەپۋتاتتىعىنا كانديداتتار ءتىزىمىن بەكىتتى.  

ناتيجەسىندە اتالعان پارتيا اتىنان ءماجىلىس دەپۋتاتتىعىنا ۇمىتكەرلەر تىزىمىنە 29 ادام ەنگىزىلگەن ەدى.