سەنات دەپۋتاتتارى ويىن بيزنەسىنە قاتىستى وزگەرىستەردى ماقۇلدادى.
زاڭ پرەزيدەنتتىڭ قول قويۋىنا جىبەرىلدى، دەپ حابارلايدى aqshamnews.kz
"ويىن بيزنەسى تۋرالى" زاڭعا ەنگىزىلگەن تۇزەتۋگە سايكەس، تاعى ءبىر ساناتقا كىرەتىن ادامدارعا قۇمار ويىنعا قاتىسۋعا تىيىم سالىندى. ولار – باس بوستاندىعىن شەكتەۋگە سوتتالعان نەمەسە شارتتى تۇردە سوتتالعان ادامدار. بۇل ولاردىڭ الەۋمەتتىك قايتا بەيىمدەلۋىنە، قوعامعا ءسىڭىسىپ كەتۋىنە ۇلكەن كومەك بولادى"، - دەيدى سەناتورلار.
ايتا كەتەرى، بىلتىر قازاقستاندىقتاردىڭ بەلگىلى ءبىر توبىنا قۇمار ويىندارعا قاتىسۋعا جانە ءباس تىگۋگە تىيىم سالىنعان بولاتىن.
ولار:
21 جاسقا تولماعان ازاماتتار؛
ويىن جانە ءباس تىگۋگە قاتىسۋى شەكتەلگەن، سونىڭ ىشىندە ءوزىن-وزى شەكتەگەن (6 ايدان 10 جىلعا دەيىن) ازاماتتار؛
بورىشكەرلەردىڭ ءبىرىڭعاي تىزىلىمىنە سايكەس وتەلمەگەن مىندەتتەمەلەرى بار تۇلعالار؛
مەملەكەتتىك قىزمەتشىلەر؛
اسكەري قىزمەتكەرلەر؛
ارنايى مەملەكەتتىك ورگانداردىڭ قىزمەتكەرلەرى.
ولار تىيىمدى بۇزعانى ءۇشىن جۇمىستان بوساتىلادى.