1 تامىزدان بەرى تاعى 21 ەلدى مەكەنننىڭ اكىمى تىكەلەي سايلاۋ ارقىلى قىزمەتكە كەلگەن. بۇل تۋرالى ق ر پرەزيدەنتىنىڭ كومەكشىسى ەرلان قارين Telegram-داعى پاراقشاسىندا جازدى، دەپ حابارلايدى almaty-akshamy.kz
«بيىل 25 شىلدەدە ەلىمىزدىڭ 730 اۋىلدىق وكرۋگىندە العاش رەت اكىمدەردىڭ تىكەلەي سايلاۋى وتكەن. بۇل ءبىر رەتتىك ناۋقان ەمەس. اكىمدەردىڭ وكىلەتتى مەرزىمى اياقتالۋىنا قاراي سايلاۋ باسقا ەلدى مەكەندەردە دە وتەدى. ءىس جۇزىندە اپتا سايىن قازاقستاننىڭ قانداي دا ءبىر وڭىرىندە اۋىل تۇرعىندارى ءوز اكىمىن سايلايدى. 1 تامىزدان باستاپ تىكەلەي داۋىس بەرۋ ارقىلى تاعى 21 اۋىلدىق وكرۋگتىڭ باسشىلارى سايلاندى. سوندا بۇگىنگە دەيىن بارلىعى 751 اۋىلدىق وكرۋگتە اكىم سايلاۋى وتكەن»، - دەپ جازدى پرەزيدەنتتىڭ كومەكشىسى.
ونىڭ ايتۋىنا قاراعاندا، سايلانعان اكىمدەردىڭ 86%-ىن ساياسي پارتيالار كانديدات رەتىندە ۇسىنسا، 14%-ى ءوزىن-وزى ۇسىنعان.
«سايلانعان اكىمدەردىڭ 50%-عا جۋىعى – بۇرىن اكىم لاۋازىمىندا جۇمىس ىستەپ كورمەگەن جاڭا تۇلعالار. وسىلايشا تىكەلەي سايلانبالى جۇيەنىڭ ەنۋى اۋىل اكىمدەرى كورپۋسىنىڭ جاڭارۋىنا سەپتىگىن تيگىزىپ جاتىر دەپ ايتۋعا بولادى. جىل سوڭىنا دەيىن تاعى 70-تەن استام اۋىلدىق وكرۋگتە اكىم سايلاۋىن وتكىزۋ جوسپارلانىپ وتىر»، - دەيدى ەرلان قارين.