تاعام ونىمدەرىن تاڭداعان كەزدە اسا مۇقيات بولعان ءجون، دەپ حابارلايدى اlmaty-akshamy.kz bag kz سىلتەمە جاساپ.
ازىق-تۇلىك قاۋىپسىزدىگى ماسەلەسىنىڭ وزەكتىلىگى جىل سايىن ارتىپ كەلەدى. ويتكەنى تاماق ونىمدەرىنىڭ قاۋىپسىزدىگىن قامتاماسىز ەتۋ – بۇل ادامداردىڭ دەنساۋلىعىن انىقتايتىن نەگىزگى فاكتورلاردىڭ ءبىرى ەكەنى انىق. وسى ورايدا سانيتارلىق-ەپيدەميولوگيالىق باقىلاۋ ورگاندارى گيگيەنالىق تالاپتارعا سايكەستىككە ساراپتاما جۇرگىزۋ ءۇشىن ونىمدەردىڭ قاۋىپسىزدىگىنە مونيتورينگ جۇرگىزىپ وتىرادى.
تاۋاردىڭ كەسىندىسىن جانە قاتەردى باعالاۋدى ەسكەرە وتىرىپ، باقىلاۋ كەزىندە تاماق ونىمدەرىنىڭ ەت، بالىق، كونديتەرلىك ونىمدەر، ءسۇت سىندى بارلىق تۇرلەرى قامتىلادى. مونيتورينگ ناتيجەلەرى بويىنشا 2021 جىلى تاماق ونىمدەرىنىڭ سىنامالارىنىڭ 2239-ى زەرتتەلدى. ونىڭ ىشىندە يمپورتتىق ءوندىرىس 70%-دى، وتاندىق ءوندىرىس 30%-دى قۇرادى. 183 سىناما تالاپتارىنا سايكەس كەلمەدى. ونىڭ 64%-ى يمپورتتىق، 36%-ى وتاندىق وندىرىستەن انىقتالدى، - دەپ اتاپ ءوتتى ۆەدومستۆونىڭ باسپا ءسوز قىزمەتى.
دەپارتامەنت تاراتقان دەرەكتەرگە سۇيەنسەك، تالاپتاردىڭ بۇزىلۋى اراسىندا 30%-دان 70%-عا دەيىن تاعام وندىرۋشىلەردىڭ تاڭبالاۋ قاعيدالارىن ۇستانباۋى ءجيى كەزدەسەدى.
سونداي-اق ونىمدەردە ىشەك تاياقشاسىنىڭ باكتەرياسى نەمەسە پاتوگەندى فلورانىڭ انىقتالۋى، ميكروورگانيزمدەردىڭ رۇقسات ەتىلگەن ساندارىنان ارتۋى، ياعني «ءشىرۋى»، «كوگەرۋى» بايقالادى. سونىمەن قاتار تۇتىنۋشىنى الداۋ نەمەسە جاڭىلىستىرۋ ارقىلى ءونىمنىڭ قۇرامى بويىنشا تاڭبالاۋدا مالىمدەلگەن ونىمگە سايكەس كەلمەۋى، مىسالى، جانۋارلار دنق-نىڭ نەمەسە گمو تابىلۋى ورىن العان. وكىنىشكە قاراي، جارامدىلىق مەرزىمى وتكەن تاماق ونىمدەرىن ساتۋ وتە ءجيى كەزدەسەدى، - دەدى دەپارتامەنتتە.
ساۋدا نىساندارى جەتكىزۋشىلەردەن تەز بۇزىلاتىن كونديتەرلىك، دايىنداۋ كۇنى مەن جارامدىلىق مەرزىمى كورسەتىلمەگەن، قۇجاتتارسىز ونىمدەردەردى قابىلداۋ جانە ودان ءارى ساتۋ جالعاسۋدا. بۇل جاعدايلار جۇقپالى اۋرۋلار مەن تاماقتان ۋلانۋدىڭ پايدا بولۋى مەن تارالۋىنا اكەلىپ سوقتىراتىنى ايتپاسا دا تۇسىنىكتى.
ساۋدا جەلىلەرىندە سىرتقى ءتۇرى بويىنشا سايكەسسىزدىكتەر، ساقتاۋ جانە تاڭبالاۋ شارتتارىنىڭ بۇزىلۋى سياقتى بۇزۋشىلىقتار انىقتالعان جاعدايدا اۋماقتىق سانيتاريالىق-ەپيدەميولوگيالىق باقىلاۋ ورگاندارىن حاباردار ەتۋ قاجەت.