بۇگىن تۇركىستان قالاسىنداعى وليمپيادا ورتالىعىندا تاەكۆوندودان (WT) ەرەسەكتەر اراسىنداعى قازاقستان كۋبوگى باستالدى.
بۇل تۋرالى مادەنيەت جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
ازيا ويىندارىنا باراتىن سپورتشىلار ىرىكتەلەتىن سىنعا ەلىمىزدىڭ بارلىق وڭىرىنەن 200-دەن استام دايان شەبەرى جينالدى. ولار 3 كۇن بويى 10 سالماقتا سىنعا تۇسەدى.
ەرلەر: 58 كگ، 63 كگ، 68 كگ، 80 كگ، +80 كگ.
ايەلدەر: 49 كگ، 53 كگ، 57 كگ، 67 كگ، +67 كگ. بۇل سالماقتىڭ سەگىزى وليمپيادا باعدارلاماسىنا كىرەدى.
وسى تۇستا بيىلعى باسەكە جاڭا جۇيە بويىنشا وتەتىنىن ايتا كەتەيىك. ەندى ءار سالماقتا چەمپيون اتانۋ جەتكىلىكسىز. ءار سالماقتاعى جەڭىمپاز تاعى 2 كۇن بويى ءوز سالماعىن ۇستاپ تۇرىپ، شەشۋشى كۇنى شيرەك فيناليستەر اراسىنان توپ جارعان سپورتشىمەن سۋپەرفينالدا كىم مىقتىنى انىقتايدى. ال ازيا ويىندارىنا سول ايقاستا باسىم تۇسكەن تاەكۆوندوشى بارادى. بۇل جۇيە بۇگىندە وسى سپورت ءتۇرى شىققان وڭتۇستىك كورەيادا بۇگىنگە دەيىن قولدانىلادى.
«ءقازىر ەلىمىزدە 20 مىڭنان استام تاەكۆوندونى سەرىك ەتكەن ادام بار. جىل سايىن ەل چەمپيوناتى مەن كۋبوگىنا 200-دەن استام تاەكۆوندوشى قاتىسادى. سالىستىرمالى تۇردە بۇل از كورسەتكىش. سوعان قاراماستان ءىرى جارىستارعا ۇلتتىق قۇراما جاساقتاعاندا داۋ شىعىپ جاتادى. سونىڭ الدىن الۋ ماقساتىندا ءبىزدىڭ فەدەراسيا جىل سايىن جۇيەنى جەتىلدىرۋگە بارىن سالىپ كەلەدى. بيىل ءبىز وڭتۇستىك كورەيانىڭ فورماتىن نەگىزگە الدىق. وسىدان كەيىن سپورتشىلاردىڭ دايارلىعىنا، شەشىمنىڭ ادىلدىگىنە كۇمان بولماۋى كەرەك»، دەدى قازاقستان تاەكفوندو فەدەراسياسىنىڭ باس حاتشىسى ولجاس بەسپايەۆ.
اشىلۋ سالتاناتىندا ءسوز سويلەگەن سپورتتى دامىتۋ ديرەكسياسىنىڭ ورىنباسارى الىشەر ايمۇحامبەتوۆ ديرەكسيا باسشىلىعى قازاقستان كۋبوگىنا ەرەكشە نازار اۋداراتىنىن جەتكىزدى. ونىڭ سوزىنشە، وسى جارىستان سوڭ ۇلتتىق قۇراما وڭتۇستىك كورەيادا وقۋ-جاتتىعۋ جيىنىنا اتتانادى.
العاشقى جارىس كۇنى ەرلەر 58 جانە 80 كەلىدە، ايەلدەر 49 بەن 53 كەلىدە كۇش سىناستى.
تۇركىستاندىق اسقار وتەگەن فينالدا ۇلتتىق قۇراما سپورتشىسى ساميرحان اباباكيروۆتى ۇتىپ 58 كەلى سالماقتىڭ سۋپەرفينالىنا تىكەلەي جولداما الدى. ەندى ول جەكسەنبى كۇنگى قارسىلاسىن كۇتەدى. وعان شيرەك فينالعا شىققان مىنا سپورتشىلاردىڭ ءبىرى قارسىلاس بولۋى مۇمكىن:
ساميرحان اباباكىروۆ (شىمكەنت)، ساپاركەلدى مامبەتمۇراتوۆ (ماڭعىستاۋ)، ازىرەت دۇيسەنبەك (تۇركىستان)، نۇرسايان ايتبايەۆ (تۇركىستان)، عاني قۇلىمبەت (تۇركىستان)، جاۆوحيرحون يسلاموۆ (شىمكەنت).
نۇرلان مىرزابايەۆ (تۇركىستان وبلىسى) 80 كگ سالماقتىڭ سۋپەرفينالىنا تىكەلەي شىقتى. بۇل سالماقتا شيرەك فينالعا شىققاندار: نۇرقانات قوجاحمەت (شىمكەنت قالاسى)، التاير ومىربەكوۆ (جامبىل وبلىسى)، ابدۋراحمان ماريپوۆ (شىمكەنت قالاسى)، جاندوس توعىمان (قىزىلوردا وبلىسى)، اقان جوكەنوۆ (ۇلىتاۋ وبلىسى)، قالباتىر انارباي (تۇركىستان وبلىسى).
بوتاكوز قاپانوۆا (قىزىلوردا وبلىسى) فينالدا ريتا باكيشيەۆادان باسىم ءتۇسىپ، 49 كگ سالماقتىڭ سۋپەرفينالىنا ءوتتى. شيرەك فينالداعى سپورتشىلار: ريتا باكيشيەۆا (الماتى قالاسى)، نۇراي باۋىرجانوۆا (اتىراۋ وبلىسى)، ايدانا ەدىلبايەۆا (اتىراۋ وبلىسى)، ناديرا احمەدوۆا (شىمكەنت)، نارگيزا قويشىبەكوۆا (جامبىل ولبىسى)، اينۇر سىزدىقبايەۆا (الماتى)، ايدانا قۇمارتايەۆا (الماتى)؛
بيىلعى قازاقستان كۋبوگىندا 53 كگ دەيىنگى سالماقتا ازيزا قاراجانوۆا (جامبىل وبلىسى) جەڭىسكە جەتىپ، سۋپەرفينالعا تىكەلەي جولداما الدى. بۇل سالماقتا شيرەك فينالعا شىققاندار: اقنۇر جاماۋباي (الماتى قالاسى)، توميريس يدريسوۆا (قىزىلوردا وبلىسى)، تاڭجۇلدىز تۇرىمبەتوۆا (تۇركىستان وبلىسى)، شامشات اقبەرگەن (قىزىلوردا وبلىسى)، الينا ەرجان (الماتى قالاسى)، كارينا تولوكوننيكوۆا (الماتى قالاسى)، ايدانا سۇندەتباي (الماتى وبلىسى).
ءار سالماقتاعى شيرەك فينالعا وتكەن 7 تاەكۆوندوشى جەكسەنبى كۇندىز ءوزارا كۇش سىناسىپ، سۋپەرفينالعا بەرىلەر ءبىر جولداماعا تالاسادى. ەرتەڭ ەرلەر 57 مەن 67 كەلىدە، ايەلدەر 63 مەن 68 كەلىدە سىنعا تۇسەدى. ال جەكسەنبى كۇنى اسا اۋىر سالماقتار مەن سۋپەرفينالدار وتەدى.