مەملەكەتتىك كىرىستەر كوميتەتى كەيبىر بلوگەرلەردىڭ تابىسىن جاسىرىپ، سالىقتان جالتارىپ جۇرگەنىن مالىمدەدى.
كوميتەت ءتۇرلى اقپارات كوزدەرىنەن الىنعان دەرەكتەردى زەرتتەپ، سالىق دەكلاراسيالارىنىڭ مالىمەتتەرىمەن سالىستىرعان، دەپ حابارلايدى aqshamnews.kz
سونىڭ قورىتىندىسى بويىنشا 594 تۇلعاعا 53،3 ملرد تەڭگە بويىنشا تابىسقا سايكەسسىزدىك انىقتالعان. سونىڭ ناتيجەسىندە اعىمداعى جىلدىڭ 13-14 اقپان ارالىعىندا «كىرىستەردى تومەندەتۋ» بۇزۋشىلىقتارى بويىنشا كامەرالدىق باقىلاۋ حابارلامالارى جىبەرىلگەن.
«حابارلامانى ورىنداۋ ماقساتىندا دەربەس ەسەپتەلگەن سالىقتاردى تولەي وتىرىپ، قوسىمشا سالىق ەسەپتىلىگىن تاپسىرىلادى نەمەسە حابارلامامەن كەلىسپەگەن جاعدايدا تۇسىندىرمەنى ۇسىنۋ قاجەت. حابارلامانىڭ ورىندالۋ مەرزىمى 30 جۇمىس كۇنىن قۇرايدى»، – دەلىنگەن كوميتەت حابارلاماسىندا.
سونىمەن قاتار، سالىقشىلار تابىس الۋ كەزىندە سالىقتاردى تولەۋ قاجەتتىلىگىنە، ونىڭ ىشىندە ءارتۇرلى ينتەرنەت-رەسۋرستارىندا ونلاين-جارنامالاردى جاريالاۋعا (اقپاراتتىق ونىمدەردى جىلجىتۋ نەمەسە ساتۋ، ءارتۇرلى وقىتۋ كۋرستارىن ساتۋ، ۇتىس ويىندارىن وتكىزۋ جانە ت.ب.) نازار اۋدارادى. كورسەتىلگەن مىندەتتەمەلەر كونستيتۋسيا مەن سالىق كودەكسىندە بەلگىلەنگەنىن ەسكەرتەدى.