تۇزەتۋلەر 2022 جىلعى 1 قاڭتاردان باستاپ قولدانىسقا ەنگىزىلدى.
مەملەكەت باسشىسى قازاقستان رەسپۋبليكاسىنىڭ «تابيعي مونوپوليالار تۋرالى» زاڭىنىڭ تابيعي مونوپوليالار سۋبەكتىلەرىنىڭ ساتىپ الۋدى جۇزەگە اسىرۋ بولىگىنە ەنگىزىلگەن تۇزەتۋلەردى قابىلدادى، دەپ حابارلايدى Almaty-akshamy.kz تابيعي مونوپوليالاردى رەتتەۋ كوميتەتىنە سىلتەمە جاساپ.
تۇزەتۋلەر تابيعي مونوپوليالار سۋبەكتىلەرىنىڭ ساتىپ الۋدى رەسپۋبليكانىڭ ۇلتتىق كاسىپكەرلەر پالاتاسىنىڭ اقپاراتتىق جۇيەسىمەن ينتەگراسيالانعان ساتىپ الۋدىڭ ءبىرىڭعاي تەرەزەسى ەلەكتروندىق ساتىپ الۋدىڭ اقپاراتتىق جۇيەلەرىنە تولىعىمەن كوشۋ كوزدەلگەن.
بۇگىنگى كۇنى تابيعي مونوپوليالار سۋبەكتىلەرىندە «Mitwork»، «ەۆرازيان تەك»، «كاسپيي تەندەر»، «ەلەكتروندىق ساۋدا پورتالى»، «ەتب ەلەكتروندىق ساۋدا الاڭى» جانە «ەتس – تەندەر» اتتى الاڭداردا ساتىپ الۋدى جۇزەگە اسىرۋ مۇمكىندىگى پايدا بولدى، ولار ساتىپ الۋدىڭ ءبىرىڭعاي تەرەزەسىمەن ينتەگراسيالانعان.
وسىلايشا، تابيعي مونوپوليالار سۋبەكتىلەرىندە ساتىپ الۋدى جۇزەگە اسىرۋ ءۇشىن الاڭ تاڭداۋ مۇمكىندىگى بار.
وسى وزگەرىستەر كەيبىر ەرەكشەلىكتەردى قوسپاعاندا، تاريف رەتتەۋدىڭ شىعىن ءادىسىن قولدانا وتىرىپ، تەك تاريف بەكىتىلگەن تابيعي مونوپوليالار سۋبەكتىلەرىنىڭ ساتىپ الۋىنا قولدانىلاتىندىعىن اتاپ ءوتۋ قاجەت (ولار: مەملەكەتتىك ساتىپ الۋ، داۋىس بەرەتىن اكسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە تيەسىلى تابيعي مونوپوليالار سۋبەكتىلەرىنىڭ ساتىپ الۋى، جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمنان ەلەكتر جانە (نەمەسە) جىلۋ ەنەرگياسىن ساتىپ الۋ، قازاقستان رەسپۋبليكاسىنىڭ جاڭارتىلاتىن ەنەرگيا كوزدەرىن پايدالانۋدى قولداۋ سالاسىنداعى زاڭناماسىنا سايكەس جۇزەگە اسىرىلاتىن قازاقستان رەسپۋبليكاسى ەلەكتر ەنەرگەتيكاسى تۋرالى زاڭناماسىنا سايكەس تەڭگەرىمدەۋشى ەلەكتر ەنەرگياسىن، ەلەكتر ەنەرگياسىن ورتالىقتاندىرىلعان ساۋدا-ساتتىقتا، سپوت-نارىقتا ساتىپ الۋ، قۋاتى از تابيعي مونوپوليالار سۋبەكتىلەرىن ساتىپ الۋ، تاريف بەكىتۋ كەزىندە شىعىندارى ەسكەرىلمەيتىن تابيعي مونوپوليالار سۋبەكتىلەرىن ساتىپ الۋ).
وسى تۇزەتۋلەردى ىسكە اسىرۋ ماقساتىندا تابيعي مونوپوليالار سۋبەكتىلەرىنىڭ قىزمەتىن جۇزەگە اسىرۋ قاعيدالارىنا ءتيىستى وزگەرىستەر ەنگىزىلدى.
جاڭا ەنگىزۋلەر ەڭ الدىمەن ساتىپ الۋ راسىمدەرىنىڭ اشىقتىعىن جانە الەۋەتتى ءونىم بەرۋشىلەر اراسىندا ادال باسەكەلەستىكتى ارتتىرۋعا باعىتتالعان.
بۇدان باسقا، ساتىپ الۋدىڭ جاڭا فورماتى تاپسىرىس بەرۋشى مەن ءونىم بەرۋشىلەر اراسىنداعى تىكەلەي بايلانىستى جويادى، ساتىپ الۋدى جۇرگىزۋگە تابيعي مونوپوليا سۋبەكتىنىڭ ۋاقىتىن جانە رەسۋرستارىن ۇنەمدەيدى، سونداي-اق قاعاز جانە ت. ب. شىعىستاردى قىسقارتادى.
سونداي-اق، باسقا وڭىرلەردىڭ تابيعي مونوپوليالار سۋبەكتىلەرىنىڭ ساتىپ الۋعا قاتىسۋ ارقىلى قاتىساتىن ءونىم بەرۋشىلەردىڭ توبى كەڭەيەدى، سونداي-اق گەوگرافيالىق شەكارالار الىپ تاستالىنادى، بۇل الەۋەتتى ءونىم بەرۋشىلەر توبىن كەڭەيتۋگە الىپ كەلەدى.
وسىلايشا، بيزنەس وكىلدەرىنىڭ ەلدىڭ بارلىق وڭىرلەرىندەگى تابيعي مونوپوليالار سۋبەكتىلەرىنىڭ ساتىپ الۋعا قاتىسۋ مۇمكىندىكتەرى كەڭەيتىلۋدە.
بۇرىن تابيعي مونوپوليالار سۋبەكتىلەرىنىڭ ساتىپ الۋى ءوزىنىڭ ينتەرنەت - رەسۋرسىندا ساتىپ الۋ پروسەسىنىڭ ءاربىر ساتىسى تۋرالى اقپاراتتى ورنالاستىرۋ ارقىلى ەلەكتروندىق نىساندا، ءوزىنىڭ ينتەرنەت-رەسۋرسى بولماعان جاعدايدا ۋاكىلەتتى ورگانعا ونىڭ ينتەرنەت-رەسۋرسىندا ورنالاستىرۋ ءۇشىن ۇسىنۋ ارقىلى جۇزەگە اسىرعان بولاتىن.
ال جاڭادان ەنگىزىلەتىن تۇزەتۋلەر الەۋەتتى جەتكىزۋشىلەرگە ساتىپ الۋدى وتكىزۋ راسىمىنە قاتىسۋ ءۇشىن تەڭ مۇمكىندىكتەر بەرۋ جانە بيزنەس مۇددەلەرىن قورعاۋ سياقتى ساتىپ الۋدىڭ نەگىزگى قاعيداتتارىن ىسكە اسىرۋعا ىقپال ەتەدى.
تابيعي مونوپوليالار سۋبەكتىلەر ساتىپ الۋدىڭ ءبىرىڭعاي تەرەزەسىمەن ينتەگراسيالانعان ەلەكتروندىق ساتىپ الۋدىڭ اقپاراتتىق جۇيەسىندە ەمەس ساتىپ الۋلاردى بۇرىنعى الاڭدا جۇرگىزەتىن بولسا، اكىمشىلىك جاۋاپكەرشىلىككە تارتىلادى.