مەرەكە اياسىندا مىڭ جاساعان شاھاردىڭ شامشىراعى «Almaty aqshamy» گازەتىنىڭ 35 جىلدىق مەرەيتويى اتالىپ ءوتتى.
بۇقارالىق اقپارات قۇرالدارى كۇنىنە وراي «Alatau اqparat» مەدياحولدينگىنە بىرىككەن «Almaty aqshamy» مەن «ۆەچەرنيي Almaty» گازەتتەرى مەن اlmaty-akshamy.kz جانە Vecher.kz سايتتارىنىڭ ۇجىمى تابيعات اياسىنا شىعىپ، دەمالىپ قايتتى.
اشىق اسپان استىندا ۇيىمداستىرىلعان مەرەكەلىك كەشكە «قازاق گازەتتەرى» ج ش س الماتى فيليالىنىڭ جەتەكشىسى دۋمان اناش، «تۇركىتىلدەس جۋرناليستەر قورىنىڭ» پرەزيدەنتى ءنازيا جويامەرگەن قىزى مەن «ادىرنا» قوعامدىق ۇيىمىنىڭ باسشىسى ارمان اۋباكىر قوناق رەتىندە قاتىسىپ، مەدياحولدينگ ۇجىمىن كاسىبي مەرەكەلەرىمەن قۇتتىقتادى. كەش بارىسىندا اتاۋلى داتاعا وراي «Alatau اqparat» مەدياحولدينگىنىڭ باس ديرەكتورى ەرجان قالىمباي ۇلى «Almaty aqshamy» گازەتىنىڭ باس رەداكتورى تورەحان دانياروۆ پەن «ۆەچەرنيي Almaty» گازەتىنىڭ باسشىسى ەۆگەنيي راقىمجانوۆقا ق ر پارلامەنتى سەناتىنىڭ ءتوراعاسى ماۋلەن اشىمبايەۆتىڭ العىس حاتىن تابىستادى.
«وتكەن ايدا «Alatau اqparat» مەدياحولدينگىن دامىتۋعا قاتىستى ءبىر جىلدىق ستراتەگيامىزدى بەكىتتىك. الداعى ۋاقىتتا باسىلىمدى زامان تالابىنا ساي، بۇگىنگى وقىرمان سۇرانىسىنا لايىق ەتىپ، ساپالى كونتەنتتەر دايارلاۋ، جازىلىمدى ارتتىرۋ سىندى جوسپارلارىمىز بار. ول ءۇشىن بىزگە جۇدىرىقشا جۇمىلىپ جۇمىس ىستەۋ كەرەك. بارلىقتارىڭىزدىڭ وتباسىلارىڭىزعا اماندىق، شىعارماشىلىقتارىڭىزعا شادىمان شابىت تىلەيمىن»، – دەگەن مەدياحولدينگ باسشىسى ەرجان قالىمباي ۇلى قوس باسىلىمنىڭ ءبىرقاتار قىزمەتكەرلەرىن ماراپاتتاپ، كوپبالالى وتباسىلارعا بالالارعا ارنالعان جازعى دەمالىس لاگەرلەرىنە جولدامالار ۇسىندى.
مەدياحولدينگتىڭ كۇندەلىكتى قىزمەتى مەن دامۋىنا ەلەۋلى ۇلەس قوسقانى ءۇشىن «Almaty aqshamy» گازەتىنىڭ ءتىلشىسى ولجاس جولدىباي، كوررەكتور كەنجە ءنۇسىپوۆا، بەت قاتتاۋشى ايشات ابۋوۆا، كولىك جۇرگىزۋشى نۇرسۇلتان قۇرمانوۆ سىندى قىزمەتكەرلەرىمىز العىس حاتتارمەن ماراپاتتالدى. ال ايدىن سۇلتانبەكوۆكە وتباسىمەن دەمالىپ قايتۋعا جولداما بەرىلدى.
تاڭمەن تالاسا باس قوسقان قوس ۇجىمنىڭ جۋرناليستەرى بۇل كۇننىڭ ۇلتتىق دومبىرا كۇنى ەكەنىن دە ەستەن شىعارعان جوق. تاۋعا شىقسا دا قانجىعاسىنا دومبىراسىن بايلاپ الا جۇرەتىن «اقشامدىقتار» ءۇشىن دە بۇل كيەلى اسپاپتىڭ ورنى بولەك.
ءيا، «ءاۋ دەمەيتىن قازاق جوق»، «جىگىتكە جەتى ونەر دە از» دەپ بىلەتىن ونەرلى جاندار «اقشامدا» دا جەتەرلىك. مەرەكەگە وراي جايىلعان داستارحان باسىندا ارىپتەسىمىز ەستاي بوجان اقىن جۇبان مولداعالييەۆتىڭ سوزىنە جازىلعان، كومپوزيتور يليا جاقانوۆتىڭ ءانى «ەدىل مەن جايىقتى»، كەنەن ازىربايەۆتىڭ «تىك شىرقاۋ» اندەرىن اۋەلەتە شىرقاعاندا، ۇيىپ تىڭدادىق. كۇمبىرلەتە كۇي شەرتكەن ارىپتەستەرىمىزدىڭ ونەرى دە ءتانتى ەتتى. مەرەكەلىك كەش بارىسىندا گيتارامەن دە ءان ايتىلدى، بي دە بيلەندى. كەشىمىزدىڭ كوڭىلدى ءوتۋى ءۇشىن قىزىقتى ويىندار ۇيىمداستىرىلدى. اينالاسى جاسىل جەلەكپەن كومكەرىلگەن، سىلدىراپ اققان ءمولدىر سۋى بار وزەن جاعاسىندا ەستەلىك سۋرەتتەرگە ءتۇستى.
«Alatau اqparat» مەدياحولدينگى تابيعات توسىندەگى ۇجىمدىق دەمالىستى وزگەشە فورماتتا اتاپ ءوتتى.