سالەمدەمەلەردىڭ ىشىنەن تىيىم سالىنعان زاتتاردى انىقتاۋ فاكتىسى كۇن سايىن تىركەلەدى.
الماتى قالاسىنداعى تەرگەۋ يزولياتورىندا جاتقان تانىسىنا سالەم-ساۋقات اكەلگەن ايەل تابا ناننىڭ اراسىنا بەس تەلەفون جاسىرىپ اكەلگەن، دەپ حابارلايدى Almaty-akshamy.kz.
№72 مەكەمەنىڭ كۇدىكتىلەر مەن سوتتالعاندارعا اكەلگەن سالەمدەمەلەردى قابىلداۋ ورنىندا باقىلاۋشىلار ءار زاتتى مۇقيات تەكسەرەدى جانە سالەمدەمە اكەلۋشىلەر ءۇشىن ارنايى تاقتا ورناتىلىپ، وندا باس بوستاندىعىنان ايىرۋ ورىندارىنا تىيىم سالىنعان زاتتاردى وتكىزۋ ارەكەتى ءۇشىن قولدانىلاتىن جازا ايقىن جازىلعان.
سوعان قاراماستان، باقىلاۋ پۋنكتىندە سالەمدەمەلەردىڭ ىشىنەن تىيىم سالىنعان زاتتاردى انىقتاۋ فاكتىسى كۇن سايىن تىركەلەدى. ال بەس بىردەي تەلەفوندى وتكىزبەكشى بولعان 1988 جىلى تۋعان ايەل - الماتى قالاسىنىڭ تۇرعىنى. ونىڭ تانىسى ج. دەگەن ازامات ق ر قىلمىستىق كودەكسى 190-بابىنىڭ 3-بولىگىمەن، ياعني ءىرى مولشەردە بىرنەشە رەت الاياقتىق جاساعانى ءۇشىن ايىپتالىپ، الماتى قالاسى بوستاندىق اۋداندىق سوتىنىڭ ۇكىمىمەن 2023 جىلدىڭ قاڭتار ايىندا 4 جىلعا باس بوستاندىعىنان ايىرۋ جازاسىنا كەسىلگەن.
اتالعان فاكت بويىنشا الماتى قالاسى تۇركسىب اۋداندىق پوليسيا باسقارماسى الدىن الا تەرگەپ-تەكسەرۋ جۇمىستارىن جۇرگىزۋدە.