تاياۋ بولاشاقتا حيميا سالاسىندا 6 ترلن تەڭگەگە 98 ينۆەستيسيالىق جوبانى جۇزەگە اسىرۋ كوزدەلىپ وتىر
ق ر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، بيىل جالپى سوماسى 58،1 ملرد تەڭگەگە 14 جوبانى ىسكە قوسۋ جوسپارلانعان. وعان سايكەس، 1040 ادام جۇمىس ورنىمەن قامتىلىپ، ونىڭ 17،6% جانە 14،4% اۋىلدى جەرلەر مەن مونوقالالاردىڭ ۇلەسىنە تيەسىلى بولماق، دەپ حابارلايدى Almaty-akshamy.kz.
"بىلتىر ەلىمىزدە حيميا سالاسىندا جالپى سوماسى 54،6 ملرد تەڭگەگە 10 جوبا ىسكە قوسىلدى. بارلىق جوبا تولىق قۋاتىنا شىققان بويدا ءوندىرىس كولەمى شامامەن 310 ملرد تەڭگەگە جەتەدى دەپ كوزدەلگەن. ونىڭ ىشىندە ەكسپورتقا باعىتتالاتىن ءونىم كولەمى 260 ملرد تەڭگەگە جانە يمپورتتى الماستىرۋ 60 ملرد تەڭگەگە جۋىقتايدى دەپ مەجەلەنىپ وتىر"، - دەلىنگەن حابارلامادا.
قۇزىرلى ۆەدومستۆونىڭ مالىمەتىنشە، بۇعان قوسا، بيىل جالپى سوماسى 58،1 ملرد تەڭگەگە 14 جوبانى ىسكە قوسۋ جوسپارلانعان. اتالعان جوبالار ارقىلى 1040 ادام جۇمىس ورنىمەن قامتىلىپ، ونىڭ 17،6% جانە 14،4% اۋىلدى جەرلەر مەن مونوقالالاردىڭ ۇلەسىنە تيەسىلى بولماق. بارلىق ءوندىرىس ورنى جوسپارلانعان قۋات كولەمىنە تولىق شىققان كەزدە وندىرىلگەن ءونىم مولشەرى شامامەن 59 ملرد تەڭگەگە جەتىپ، ونىڭ ىشىندە ەكسپورت كولەمى 11،6 ملرد تەڭگەگە، سونداي-اق يمپورتتى الماستىرۋ 47،4 ملرد تەڭگەگە ارتادى دەپ كۇتىلىپ وتىر. مۇنىڭ ناتيجەسىندە وسى جىلى مەتاللۋرگيا سالاسىندا ەمۋلسيالىق جارىلعىش زاتتار مەن ەرىتكىشتەردى، سونداي-اق حيميالىق رەاگەنتتەر شىعاراتىن كاسىپورىندارمەن بىرگە جەلاتين وندىرەتىن زاۋىتتار اشىلادى.
تۇتاستاي العاندا، تاياۋ بولاشاقتا حيميا سالاسىندا 6 ترلن تەڭگەگە 98 ينۆەستيسيالىق جوبانى جۇزەگە اسىرۋ كوزدەلىپ وتىر. بۇل ءوز كەزەگىندە 13،9 مىڭ تۇراقتى جۇمىس ورنىن اشۋعا سەپتىگىن تيگىزەدى. وڭىرلەر بويىنشا حيميا ونەركاسىبىنە بايلانىستى جوبالاردىڭ ەداۋىر بولىگى جامبىل وبلىسىنا (16 جوبا نەمەسە 16،33%) تيەسىلى. ولاردىڭ دەنى مينەرالدى تىڭايتقىشتار مەن حلور ءسىلتىلى، كالسيي ءحلوريدى، كالسييلەندىرىلگەن سودا سىندى بەيورگانيكالىق حيميا ونىمدەرىنىڭ وندىرىسىنە ارنالعان.
سونىمەن قاتار بۇل باعىتتاعى ىلكىمدى ىستەر ماڭعىستاۋ وبلىسىندا دا جۇزەگە اسىرىلىپ جاتىر. ماسەلەن، مۇنايلى ولكەدە حيميا ءوندىرىسى بويىنشا 13 جوبا (13،27%) قولعا الىنعان. اتاپ ايتقاندا، بۇل وڭىردە جاسىل سۋتەگى، اممياك، كارباميد جانە بيوپروتەين وندىرەتىن ءوندىرىس ورىندارى ىسكە قوسىلماق.
جوعارىدا اتالعان جوبالاردىڭ كوپشىلىگى اممياك، كاۋستيكالىق سودا، كالسييلەندىرىلگەن سودا سەكىلدى نەگىزگى حيميالىق ونىمدەردى وندىرۋگە باعىتتالىپ، بۇل حيميا ونەركاسىبى مەن باسقا دا سالالاردىڭ دامۋىنا سەرپىن بەرەتىنى ناقتىلانادى.