يزرايلدەگى جاعدايعا قاتىستى ق ر سىرتقى ىستەر مينيسترلىگىنىڭ باسپا ءسوز حاتشىسى ايبەك سمادياروۆ مالىمدەمە جاسادى.
قازاقستان كوپتەگەن بەيبىت تۇرعىنداردىڭ قازا بولۋىنا اكەپ سوققان پالەستينا-يزرايل قاقتىعىسىنىڭ ورشۋىنە تەرەڭ الاڭداۋشىلىق بىلدىرەدى.
تاراپتاردى احۋالدى بەيبىت جولمەن شەشۋ ءۇشىن ساياسي قۇرالدار ىزدەستىرۋگە جانە تەك ەكى مەملەكەت اراسىنداعى عانا ەمەس، جالپى تاياۋ شىعىستاعى جاعدايدىڭ ودان ءارى ۋشىعۋىنا اكەلۋى ىقتيمال ىس-ارەكەتتەرگە بارماۋعا شاقىرامىز.
«قازاقستاننىڭ تەل-اۆيۆتەگى ەلشىلىگى يزرايلدەگى ءبىزدىڭ ازاماتتارىمىزبەن تۇراقتى بايلانىستا. ەلشىلىكتىڭ جەدەل بايلانىس ارناسى اشىلىپ، قازاقستان ازاماتتارىنا ەلگە ورالۋ ءۇشىن ودان ءارى كومەك كورسەتۋ ماقساتىندا ولاردىڭ ءتىزىمى جاسالۋدا»،-دەلىنگەن حابارلامادا.