جىل باسىنان بەرى 350 مىڭ قازاقستاندىق تۋريست شەتەلدە دەمالعان
بۇل وتكەن جىلعا قاراعاندا 4 ەسە ارتىق. جاڭا جىل قارساڭىندا كورسەتكىش تاعى دا ارتۋى مۇمكىن. وتاندىق تۋروپەراتورلار جىلى جاققا باراتىندار ءۇشىن ءتيىمدى ۇسىنىستار دايىنداپ قويعان، دەپ حابارلايدى Almaty-akshamy.kz
قۇزىرلى قاۋىمداستىق پرەزيدەنتى يننا رەيدىڭ ايتۋىنشا، قازاقستاندىقتار اراسىندا اسىرەسە ءباا، مىسىر ەلى، مالديۆ ارالدارى، تايلاند سىندى تۋريستىك مەكەندەرگە سۇرانىس جوعارى، سونداي-اق ۇندىستانمەن تۇراقتى رەيستەر قالپىنا كەلتىرگەن. ال تۇركياعا ساياحات جاز ايلارىندا سۇرانىسقا يە.
«پاندەميا كەزەڭىندە تۋريستىك وپەراتورلار جۇمىسىن توقتاتقان جوق. «تۋريستىك قامقور» قورىنىڭ ارقاسىندا ساياحاتشىلاردى مەجەلى جەرگە جەتكىزىپ، الىپ كەلىپ وتىردىق. قيىندىقتار از بولمادى. اسىرەسە وسى جازدا جۇمىسىمىز كوبەيىپ كەتتى. ءبىراق تۋريستەر ريزا، ەڭ باستىسى وسى. ءبىزدىڭ ەلگە كەلگىسى كەلەتىن شەتەلدىكتەر دە كوپ. اپتا سايىن تۋريستىك قاۋىمداستىق وكىلدەرىمەن سويلەسىپ وتىرمىز. ازىرشە ۆەدومستۆوارالىق كوميسسيانىڭ رۇقساتىن الا المادىق. جاعداي رەتتەلەدى دەگەن ۇمىتتەمىز»، - قازاقستان تۋروپەراتورلارى قاۋىمداستىعىنىڭ پرەزيدەنتى يننا رەي.