26 قاراشا كۇنى ساعات 02.45-تەن باستاپ الماتى قالاسىندا قارعا ۇلاسقان جاڭبىر، تاۋلى جانە تاۋ بوكتەرىندەگى جەرلەردە تاڭعى ساعات 05.00-دەن باستاپ جاۋا باستادى.
ساعات 06.40 قالانىڭ ورتالىق بولىگىنە قار ءتۇستى. تاڭعى ساعات 08.00-دەگى جاعداي بويىنشا تاۋ بوكتەرىندەگى اۋدانداردا 6 سم – گە دەيىن، تاۋلى اۋدانداردا 10 سم-گە دەيىن قار جاۋدى، دەپ حابارلايدى Almaty-akshamy.kz
الماتى قالاسىنىڭ تۇرعىن ءۇي ساياساتى باسقارماسىنىڭ مالىمەتىنشە، كوكتايعاق قۇبىلىستارىنىڭ الدىن الۋ ماقساتىندا قالانىڭ جوعارعى بولىگىندە قار جاۋا سالىسىمەن جولدارعا كوكتايعاققا قارسى ماتەريالدار سەبىلەدى جانە قار سىپىرىلادى. 120 توننا كوكتايعاققا قارسى ماتەريالدار پايدالانىلدى.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، «قالتالاردى» تازالاۋ بويىنشا جۇمىستار ۇيىمداستىرىلدى.
تەحنيكانىڭ تۇنگى ۋاقىتتا شىعۋى 496 بىرلىكتى قۇرادى، ونىڭ ىشىندە 193 قۇمشاشقىش جانە 337 جول جۇمىسشىسى.
تاڭەرتەڭ 583 بىرلىك ارنايى تەحنيكا، ونىڭ ىشىندە 202 قۇم شاشقىش جانە 1504 جول جۇمىسشىسى جۇمىلدىرىلدى.
اۋدان اكىمدىكتەرى مەن قالا اكىمدىگىندە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
قازگيدرومەتتىڭ بولجامى بويىنشا ارالاس جاۋىن-شاشىن 27 قاراشا كۇنى تاڭەرتەڭگە دەيىن جاۋادى.