قازاقستاندىق مانەرلەپ سىرعاناۋشى، 2019 جىلعى الەم ۆيسە-چەمپيونى ەليزابەت تۇرسىنبايەۆا الماتى قالاسى ءماسليحاتىنىڭ دەپۋتاتتىعىنا كانديدات بولىپ سايلاناتىنى تۋرالى ايتتى، دەپ حابارلايدى Almaty-akshamy.kz. تengrinews.kz-كە سىلتەمە جاساپ.
"مەنىڭ ورتام ومىرىمدە كەز كەلگەن كاسىپتى جۇرەگىمە قانشالىقتى جاقىن قابىلدايتىنىمدى جانە وعان، جاتتىعۋ پروسەسى بولسۆن، وقۋ بولسىن، قانداي جاۋاپكەرشىلىكپەن جانە سىنمەن قارايتىنىمدى بىلەدى.
سپورتتىق شىڭدالۋىمنىڭ ارقاسىندا مەن كۇن سايىن بارلىق جاعىنان جاڭا بيىكتەرگە جەتەمىن، بۇل مەنىڭ بويىما بالا كەزىمنەن سىڭگەن. كاسىبي سپورتشىنىڭ بۇكىل ءومىرى – ەڭبەك پەن توككەن تەر ارقىلى ماقساتىنا جەتۋ. ولار ماعان سەنسە، مەن بۇل سەنىمدى اقتاۋعا تىرىساتىنىمدى انىق بىلەمىن.
بۇنىمەن "امانات" پارتياسىنان الماتى قالاسى ءماسليحاتىنىڭ دەپۋتاتتىعىنا كانديدات بولىپ سايلانعانىم تۋرالى ايتايىن دەپ ەدىم.
ءيا، بۇل ۇمىتكەرلىك قانا، ءبىراق مەن بولاشاقتا جاقسى جاققا وزگەرىستەر ەنگىزە الاتىن وكىل-تۇلعا بولۋ مۇمكىندىگى ءۇشىن ۇلكەن جاۋاپكەرشىلىك پەن قۇرمەتتى سەزىنەمىن. بۇل - باستاماسى عانا. سىرتتان قاراپ، جۇيەگە شاعىمدانىپ وتىرۋ وڭاي، ارەكەت ەتۋ الدەقايدا قيىن، سوندىقتان مەن ءۇشىن بۇل وڭاي قادام ەمەس. سىزدەردىڭ قولداۋلارىڭىز بەن بىرلەسكەن كۇش-جىگەرلەرىڭىزبەن ءبارى ويداعىداي بولادى!" - دەپ جازدى سپورتشى دۇيسەنبىدە Instagram-پاراقشاسىندا.
ەليزابەت تۇرسىنبايەۆا 22 جاستا. ول - الەم چەمپيوناتىنىڭ (2019) جانە قىسقى ۋنيۆەرسيادانىڭ (2019) كۇمىس جۇلدەگەرى، قازاقستاننىڭ ءتورت دۇركىن چەمپيونى، ازيا ويىندارىنىڭ قولا جۇلدەگەرى (2017). ول ەرەسەكتەر اراسىندا جالعىز سىرعاناۋدان ءتورت رەت تازا سەكىرۋدى ورىنداعان العاشقى جالعىز ايەل بولدى.