1991 جىلدان بەرى ەلىمىزگە 1 ميلليون 108،5 مىڭ ەتنيكالىق قازاق كوشىپ كەلگەن.
ەڭبەك جانە حالىقتى الەۋمەتتىك قورعاۋ مينيسترلىگىنىڭ 1 اقپانداعى مالىمەتىنشە، 1 539 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى، دەپ حابارلايدى Almaty-akshamy.kz
جىل باسىنان بەرى قازاقستانعا ورالعان قانداستاردىڭ جارتىسى (50%) – وزبەكستاننان، 16،3% – قىتايدان، 15،9% – رەسەيدەن، 8،4% – تۇرىكمەنستاننان، 4،5% – موڭعوليادان جانە 4،9% باسقا ەلدەردەن كەلگەن.
ەتنيكالىق قازاقتار نەگىزىنەن الماتى، ماڭعىستاۋ، تۇركىستان جانە جامبىل وبلىستارىنا، سونداي-اق استانا، الماتى جانە شىمكەنت قالالارىنا قونىستاندى.
ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 69،1%-دى، ەڭبەككە قابىلەتتى جاستان كىشى 22،7%-دى جانە زەينەتكەرلەر 8،2%-دى قۇرايدى.
ەڭبەككە قابىلەتتى جاستاعى كانديداتتاردىڭ ىشىنەن ءبىلىم دەڭگەيى بويىنشا 20،1% – جوعارى ءبىلىمدى، 40،9% – ورتا كاسىبي ءبىلىمدى، 35،2% – جالپى ورتا ءبىلىمدى جانە 3،8%-نىڭ ءبىلىمى جوق.