قىزىلوردا وبلىسىنداعى ەكولوگيالىق جاعداي ارال-سىرداريا باسسەينىنىڭ سۋلىلىعىنا تىكەلەي بايلانىستى.
ارال-سىرداريا باسسەينىندە 2019 جىلدان باستاپ سۋ ازدىعى سيكلى جالعاسۋدا دەپ حابارلايدى almaty-akshamy.kz
سىرداريا وزەنىنىڭ سۋلىلىعى قىرعىزستان، تاجىكستان جانە وزبەكستان اۋماعىنداعى سۋ شارۋاشىلىعى جاعدايىنا بايلانىستى جانە كوبىنەسە «توقتوعۇل» سۋ قويماسىندا (قىرعىزستان) سۋدىڭ جينالۋىمەن ايقىندالادى. بيىل توقتوعۇل سۋ قويماسىندا سۋدىڭ جيناقتالۋ كولەمى 2019 جىلعا قاراعاندا 5 ملرد.م3 كەم، ۆەگەتاسيالىق كەزەڭنىڭ باسىندا توقتوعۇل سۋ قويماسىندا شامامەن 15 ملرد.م3 سۋ جيناقتالعان نورما بولىپ سانالادى. اعىمداعى جىلعى 1 ساۋىردەگى جاعداي بويىنشا سۋ قويماسىندا 8،7 ملرد.م3 عانا بولدى، بۇل 2020 جىلعى ۇقساس كەزەڭگە قاراعاندا 2،9 ملرد. - قا از.
نارىن-سىرداريا سۋ قويمالارى قۇلاماسى جۇمىسىنىڭ ەنەرگەتيكالىق رەجيمگە اۋىسۋىنا بايلانىستى شاردارا سۋ قويماسىنا اعىن ۆەگەتاسيالىق كەزەڭدە ازايادى جانە ۆەگەتاسيا ارالىق كەزەڭدە ۇلعايادى. وسىعان بايلانىستى شاردارا سۋ قويماسىن سۋ تاستاۋ جانە تولتىرۋ رەجيمى سىرداريا وزەنىنىڭ جوعارعى اعىسىندا ورنالاسقان سۋ قويمالارىنىڭ جۇمىس رەجيمىنە جانە كورشى ەلدەردەگى سۋ شارۋاشىلىعى جاعدايىنا بايلانىستى. بۇگىنگى تاڭدا شاردارا سۋ قويماسى تولتىرۋ رەجيمىندە جۇمىس ىستەيدى. سۋ قويماسىنان سۋدى اعىزۋ 50 م3/سەك اعىنمەن جۇزەگە اسىرىلادى، كەلگەن سۋدىڭ كولەمى 140 م3/سەك قۇرايدى.
شاردارا سۋ قويماسىنان سۋ اعىزۋ اعىندىلىقتىڭ ۇلعايۋىنا قاراي كوبەيەتىن بولادى.
سونىمەن بىرگە تاجىكستان جانە وزبەكستان ەلدەرىندە ۆەگەتاسيا كەزەڭى بيىل قازاننىڭ سوڭىنا دەيىن جالعاسادى. سوندىقتان شاردارا سۋ قويماسىنا سۋدىڭ ءتۇسۋى جانە سىرداريا وزەنىنىڭ تومەنگى اعىسىنا سۋ جىبەرۋ كولەمىن ۇلعايتۋ ماسەلەسى بيىلعى جىلعى قاراشادا مەملەكەتارالىق ۇيلەستىرۋ سۋ شارۋاشىلىعى كوميسسياسىنىڭ كەزەكتى 81ء-شى وتىرىسىندا قارالاتىنىن حابارلايمىز.