سىر ەلى - جىر ەلى!
قىزىلوردا وبلىسىندا قىركۇيەك ايىندا «جىرلانسىن تاۋەلسىزدىك جىر بۇلاعى» اتتى رەسپۋبليكالىق جىرشى-جىراۋلار بايقاۋى وتكىزىلەدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
اتالعان شارا ەل تاۋەلسىزدىگىنىڭ 30 جىلدىعى مەرەكەسىنە وراي ۇيىمداستىرىلادى. وسىعان وراي وبلىستاعى مادەنيەت ۇيىمدارى مەن ونەر مەكەمەلەرىندە ءتۇرلى مادەني شارالار قولعا الىنىپ وتىر.
«تاۋەلسىزدىكتىڭ 30 جىلدىعىنا بىزدە وبلىستىق ءىس-شارالار جوسپارى بەكىتىلگەن. جىل باسىنان بەرى بارلىق مادەنيەت ۇيىمدارىندا جانە ونەر مەكەمەلەرىندە وسى مەرەكەگە بايلانىستى اۋقىمدى شارالار وتكىزىلۋدە. ونىڭ ىشىندە «تۇعىرى بيىك تاۋەلسىزدىك» اتتى رەسپۋبليكالىق اقىندار ايتىسىن اتاپ وتسەك بولادى. وسى سيپاتتاعى شارالارىمىز بارلىق مادەنيەت ۇيىمدارىندا جالعاسىن تابۋدا»،- دەدى وبلىستىق مادەنيەت ارحيۆتەر جانە قۇجاتتاما باسقارماسى باسشىسىنىڭ مىندەتىن اتقارۋشى نۇرشات ناۋرىزبايەۆا.
ەل تاۋەلسىزدىگىنىڭ مەرەيتويى قارساڭىندا كەتە ءجۇسىپ ەشنياز ۇلىنىڭ 150 جىلدىعىن اتاپ ءوتۋ دە جوسپارلانعان. سونداي-اق، وبلىستىق فيلارمونيا تاراپىنان دا وسى ماقساتتا كوپتەگەن مادەني شارالار وتكىزىلەدى.
«اتالعان ءىس-شارالار قاتارىندا تۇرماعامبەت اتىنداعى حالىق اسپاپتار وركەسترىنىڭ جىل كونسەرتىن اتاپ وتسەك بولادى. وعان قوسا، «قورقىت سازى» قوبىزشىلار ءانسامبلىنىڭ «سارىن» اتتى سازدى كەشى جانە قازاقتىڭ اڭىز جانە سالت ەرتەگىلەرىنىڭ 30 كەيىپكەرى سيكلىمەن «ادەمى» بالالار مۋزىكالىق تەاتر-ستۋدياسىنىڭ قىسقامەتراجدى قويىلىمى كورەرمەن قاتىسۋىمەن وتكىزىلەدى. قالعان تۋىندىلار پاندەميا جاعدايىنا بايلانىستى ونلاين فورماتتا ۇيىمداستىرىلادى»، - دەدى وبلىستىق فيلارمونيانىڭ ديرەكتورى تالعات ماقاشيەۆ.