الماتى اكىمى باقىتجان ساعىنتايەۆ جۇمىس ساپارى كەزىندە مەدەۋ اۋدانىنداعى جولداردى جوندەۋ جانە قوعامدىق ورىنداردى اباتتاندىرۋ قارقىنىن تەكسەردى، دەپ حابارلايدى almaty-akshamy.kz
ەكى شاعىناۋداندا ينجەنەرلىك جانە جول ينفراقۇرىلىمى ماسەلەلەرى تولىق دەرلىك شەشىلدى. "مۇزتاۋ" شاعىناۋدانىندا ەلەكتر جەلىلەرى جاڭارتىلىپ، ولار 6-دان 10 كۆ-قا اۋىستىرىلدى. 17 شاقىرىم سۋ قۇبىرى مەن كارىز جەلىسى تارتىلدى، وعان 274 ءۇي قوسىلادى. بەيسەۋوۆ كوشەسىن جوندەۋ مەن اسفالتتاۋ جۇمىستارى اياقتالۋعا جاقىن. كەرەي-جانىبەك حاندار داڭعىلىنان ىلە الاتاۋى ۇلتتىق تابيعي پاركىنىڭ ەكوپوستىنا دەيىنگى جولدىڭ ۇزىندىعى 4،6 شاقىرىمدى قۇرايدى.
باقىتجان ساعىنتايەۆ 14،6 شاقىرىمعا جۋىق سۋمەن جابدىقتاۋ جانە كارىز جەلىلەرىنىڭ قۇرىلىسى اياقتالعاننان كەيىن جولدار قالپىنا كەلتىرىلىپ جاتقان "كولساي" شاعىناۋدانىندا بولدى. ەلەكتر جەلىلەرى قۋاتتى جەلىلەرگە دەيىن جاڭارتىلدى، بۇل ەلەكترمەن جابدىقتاۋ سەنىمدىلىگىن ارتتىردى. 3،7 شاقىرىم جولدى قالپىنا كەلتىرۋ جۇمىستارى جۇرگىزىلىپ جاتىر. «بالقاش» سۋ قابىلداعىشىنان "كولساي" شاعىناۋدانىنا دەيىنگى ماگيسترالدى جەلى سالۋ بويىنشا جوبا ازىرلەنۋدە. 310 ءۇي ورنالاسقان 6 كوشەنىڭ بويى جارىقتاندىرىلدى.
ەسەنتاي وزەنىنىڭ بويىندا سۋ بولگىشتەن باستاپ، جاماقايەۆ كوشەسىنە دەيىن دەنساۋلىققا ارنالعان جاياۋ جۇرگىنشى جولىن سالۋ جالعاسىپ جاتىر. ونىڭ ۇزىندىعى 4،2 شاقىرىم. جاڭا تەرەڭقۇر ءقازىردىڭ وزىندە تارتىمدى ورىنعا اينالعان. سىرتقى جارىقتاندىرۋ تىرەكتەرى جانە شاعىن ساۋلەتتىك پىشىندەر، سونىڭ ىشىندە قوقىس جاشىكتەرى، ورىندىقتار ورناتىلادى. مۇندا بالالار ويىن جانە سپورت الاڭدارى، جاياۋ جۇرگىنشىلەر كوپىرلەرى مەن قاراۋ الاڭدارى بولادى. سونداي-اق ۇزىندىعى 6 شاقىرىم بولاتىن سۋ بولگىشتەن مەدەۋگە دەيىن جاياۋ جۇرگىنشىلەر ايماعىنىڭ قۇرىلىسىن جالعاستىرۋ جوباسى ازىرلەنۋدە.
وماروۆا كوشەسىندە دوستىق داڭعىلىنان كوكتوبەگە دەيىن جاياۋ جۇرگىنشىلەر ايماعىندا جوندەۋ جۇمىستارى جۇرگىزىلۋدە. سونىمەن قاتار بۇل جەردە جولدى ورتاشا جوندەۋ جۇمىستارى جۇرگىزىلەتىن بولادى. باقىتجان ساعىنتايەۆ جول جوندەۋ جانە اباتتاندىرۋ بويىنشا جۇمىستاردىڭ ساپاسى مەن مەرزىمىن باقىلاۋدى تاپسىردى.
