سينوپتيكتەر بۇگىنگى كۇن رايىن بولجادى
قازگيدرومەت 9 قىركۇيەككە ارنالعان اۋا رايى بولجامىن ۇسىنادى، دەپ حابارلايدى Almaty-akshamy.kz.
اتموسفەرالىق اۋا اعىنداردىڭ وتۋىنە بايلانىستى ەلىمىزدىڭ وڭتۇستىك-باتىسىندا، سولتۇستىك-باتىسىندا، سولتۇستىگىندە، وڭتۇستىگىندە جانە ورتالىعىندا جاڭبىر جاۋىپ، نايزاعاي جارقىلدايدى شىعىسىندا نوسەر جاڭبىر جاۋادى. تەك باتىس وڭىردە اۋقىمدى انتيسيكلون جوتاسىنىڭ اسەرىنەن جاۋىن-شاشىنسىز اۋا رايى كۇتىلەدى.
رەسپۋبليكانىڭ سولتۇستىگىندە، سولتۇستىك-باتىسىندا، ورتالىعىندا، وڭتۇستىگىندە جانە وڭتۇستىك-شىعىسىندا جەل كۇشەيەدى. سولتۇستىگىندە، سولتۇستىك-باتىسىندا جانە ورتالىعىندا تۇمان، شىعىسىندا جانە ەلىمىزدىڭ وڭتۇستىك-شىعىسىنداعى تاۋلى اۋدانداردا – بۇرشاق جاۋۋى ىقتيمال.
شىعىس قازاقستان وبلىسىنىڭ باتىسىندا، سولتۇستىك-باتىسىندا، سولتۇستىك-شىعىسىندا نايزاعاي جارقىلداپ، بۇرشاق ءتۇسۋى ىقتيمال. جەلدىڭ جىلدامدىعى 15-20 م/س جەتەدى. تۇندە جانە تاڭەرتەڭ اقمولا وبلىسىنىڭ سولتۇستىك-باتىسىندا تۇمان كۇتىلەدى، تۇندە شىعىسىندا، كۇندىز سولتۇستىك-باتىسىندا جەل 15-20 م/س كۇشەيەدى.
كۇندىز قوستاناي وبلىسىنىڭ سولتۇستىك-باتىسىندا نايزاعاي وينايدى، تۇندە جانە تاڭەرتەڭ شىعىسىندا تۇمان تۇسەدى، كۇندىز وبلىستىڭ سولتۇستىك-باتىسىندا جەل تۇرادى، ەكپىنى 15-20 م/س جەتەدى. سولتۇستىك قازاقستان وبلىسىنىڭ سولتۇستىگىندە نايزاعاي كۇتىلەدى، كۇندىز جەل 15-20 م/س كۇشەيەدى.
تۇندە پاۆلودار وبلىسىنىڭ سولتۇستىگىندە، شىعىسىندا تۇمان تۇسەدى، جەلدىڭ جىلدامدىعى 15-20 م/س بولادى. كۇندىز جامبىل وبلىسىنىڭ شىعىسىندا، وڭتۇستىك-شىعىسىندا جانە تاۋ بوكتەرى اۋداندارىندا نايزاعاي ويناپ، بۇرشاق كۇتىلەدى، نايزاعاي جارقىلداعان كەزىندە جەل 15-20 م/س كۇشەيەدى.
كۇندىز الماتى وبلىسىنىڭ تاۋلى جانە تاۋ بوكتەرىندەگى اۋداندارىندا نايزاعاي جارقىلدايدى، جەلدىڭ جىلدامدىعى 15-20 م/س جەتەدى. كۇندىز تۇركىستان وبلىسىنىڭ باتىسىندا جانە تاۋلى اۋداندارىندا، قىزىلوردا وبلىسىنىڭ وڭتۇستىگىندە جەل 15-20 م/س كۇشەيەدى. اتىراۋ وبلىسىنىڭ ورتالىعىندا، تۇندە جانە تاڭەرتەڭ قاراعاندى وبلىسىنىڭ سولتۇستىگىندە تۇمان كۇتىلەدى.
تۇندە اقمولا، پاۆلودار وبلىستارىنىڭ سولتۇستىگىندە، سولتۇستىك-شىعىسىندا 2 گرادۋس ۇسىك كۇتىلەدى، سولتۇستىك قازاقستان وبلىسىنىڭ سولتۇستىگىندە، قوستاناي وبلىسىنىڭ سولتۇستىگىندە جانە شىعىسىندا توپىراق بەتىندە 2 گرادۋس ۇسىك جۇرەدى.
الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە، قوستاناي وبلىستارىنىڭ باسىم بولىگىندە، باتىس قازاقستان وبلىسىنىڭ سولتۇستىك-شىعىسىندا جانە وڭتۇستىگىندە، قاراعاندى، اقمولا وبلىستارىنىڭ باتىسىندا، پاۆلودار وبلىسىنىڭ ورتالىعىندا، شىعىس قازاقستان وبلىسىنىڭ وڭتۇستىگىندە جانە وڭتۇستىك-شىعىسىندا ءورت ءقاۋپى ساقتالادى.