بۇل جاڭالىق 25 شىلدەدەن باستاپ كۇشىنە ەنەدى.
اۋىل شارۋاشىلىعى مينيسترلىگى قارجى ينستيتۋتتارى بەرگەن كرەديتتەر بويىنشا سىياقى مولشەرلەمەلەرىن سۋبسيديالاۋ تۇرىندە اوك سۋبەكتىلەرىن قولداۋدى جالعاستىرىپ جاتىر، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
بۇعان دەيىن سىياقى مولشەرلەمەلەرىن سۋبسيديالاۋ تەتىگى اۋىل شارۋاشىلىعى تەحنيكاسىن، جابدىقتار مەن اۋىل شارۋاشىلىعى جانۋارلارىن ساتىپ الۋعا، نەگىزگى قۇرالداردى ساتىپ الۋعا، قۇرىلىسقا ارنالعان قارىزدار بويىنشا سىياقى مولشەرلەمەسىن 10%-عا، اينالىم قاراجاتىن تولىقتىرۋ بويىنشا 7%-عا، كوكتەمگى ەگىس جانە ەگىن جيناۋ جۇمىستارىن جۇرگىزۋگە 9%-عا تومەندەتۋدى كوزدەدى.
بۇل رەتتە سۋبسيديالاۋ جىلدىق 17%-دان اسپايتىن نومينالدى سىياقى مولشەرلەمەسى بار كرەديتتەر بويىنشا جۇزەگە اسىرىلعان بولاتىن.
ەندى قاعيدالاردىڭ جاڭا رەداكسياسىنا سايكەس، سۋبسيديالاۋ قازاقستان رەسپۋبليكاسى ۇلتتىق بانكىنىڭ بازالىق مولشەرلەمەسى مەن جىلدىق 7،5 % تەڭگەمەن جيىنتىق كورىنىسى رەتىندە ەسەپتەلگەن نومينالدى سىياقى مولشەرلەمەسىنەن اسپايتىن مولشەرلەمەدە جۇزەگە اسىرىلادى.
مىسالى، ەگەر قارىز شارتىن جاساسۋ كەزىندە قازاقستان رەسپۋبليكاسى ۇلتتىق بانكىنىڭ بازالىق مولشەرلەمەسى جىلدىق 14% قۇراسا، بۇل جاعدايدا سۋبسيديالاۋعا جاتاتىن نومينالدى سىياقى مولشەرلەمەسى 21،5 %-دان اسپاۋى ءتيىس.
قارىز الۋشى نومينالدى سىياقى مولشەرلەمەسىنىڭ 6%-ىن تولەيدى، ۇلتتىق بانكتىڭ بازالىق مولشەرلەمەسى مەن 7،5% جىلدىق پايىزدىق جيىنتىق سوماسى مەن قارىز الۋشىنىڭ تەڭگەمەن تولەگەن 6% اراسىنداعى ايىرمانىڭ ناتيجەسىندە الىنعان نومينالدى سىياقى مولشەرلەمەسىنىڭ قالعان بولىگى مەملەكەتتىك بيۋدجەتتەن سۋبسيديالانادى (سىياقىنىڭ نومينالدى مولشەرلەمەسى 21،5% بولعان كەزدە اوك سۋبەكتىسى 6% تولەيدى، مەملەكەت 15،5% سۋبسيديالايدى).
سۋبسيديالاۋعا مىناداي باعىتتار جاتادى: 1) اۋىل شارۋاشىلىعى تەحنيكاسىن، ونىڭ ىشىندە اسپالى جانە تىركەمەلى جابدىقتاردى ساتىپ الۋعا، سونداي-اق اۋىل شارۋاشىلىعى جانۋارلارىن ساتىپ الۋعا، نەگىزگى قۇرالداردى ساتىپ الۋعا، قۇرىلىس سالۋعا (ۇن، مينەرالدىق سۋلار جانە الكوگولسىز سۋسىندار وندىرۋگە ارنالعان نەگىزگى قۇرالداردى ساتىپ الۋعا ارنالعان قارىزداردى قوسپاعاندا) ارنالعان؛ 2) وندىرىستىك پروسەستىڭ تەحنولوگيالىق سيكلى ءۇشىن قاجەتتى اينالىم قاراجاتىن تولىقتىرۋعا ارنالعان؛ 3) كوكتەمگى ەگىس جانە ەگىن جيناۋ جۇمىستارىن جۇرگىزۋگە ارنالعان.
وسىلايشا، وسى باعدارلاما شەڭبەرىندە قولداۋ شارتتارى قارجى نارىعىنداعى وزگەرىستەرگە جەدەل دەن قويۋ ماقساتىندا قازاقستان رەسپۋبليكاسى ۇلتتىق بانكىنىڭ بازالىق مولشەرلەمەسىن ەسكەرە وتىرىپ قايتا قارالدى جانە بۇل سۋبسيديالاۋ قاعيدالارىنا ءجيى وزگەرىستەر ەنگىزۋ قاجەتتىلىگىن جويادى. جوعارىدا اتالعان جاڭالىقتار اعىمداعى جىلدىڭ 25 شىلدەسىنەن باستاپ كۇشىنە ەنەدى.