الماتىعا كەتكەن پاۆلودارلىق ءجاسوسپىرىم ءبىر اپتادان كەيىن تابىلدى

 پاۆلوداردا جوعالعان 16 جاستاعى قىز ءبىر اپتادان سوڭ تابىلدى.

10 شىلدەدە پوليسيانىڭ كەزەكشى بولىمىنە 16 جاستاعى قىزدىڭ اناسى حابارلاسىپ، ءجاسوسپىرىم ءۇش كۇن بويى ۇيىنە ورالماعانىن حابارلادى. انىقتالعانداي، 3 شىلدەدە اناسى بالاسىمەن الماتىعا كەتكەن، ال قىزى ۇيدە جالعىز قالعان.

9 شىلدەدە اناسى ۇيىنە ورالعاندا، قىزى: “مەن دوسىمنىڭ تۋعان كۇنىنە قونۋعا باردىم. ەرتەڭ كەلەمىن، ۋايىمداماڭىز!” دەگەن جازبا حات قالدىرعان. كەلەسى كۇنى تاڭەرتەڭ اناسى قىزىنا قوڭىراۋ شالا باستاعان، ءبىراق تەلەفونى ءوشىرۋلى بولدى. ىزدەستىرىلۋشىنى انىقتاۋ ماقساتىندا پاۆلودار وبلىسى پد جەكە قۇرامى باعدارلاندى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

بۇدان باسقا، “پاۆلودار قالالىق Vita ىزدەۋ جۇيەلەرى” قب ەرىكتىلەرىمەن بىرلەسىپ، ىزدەۋدەگى مۇمكىن بولاتىن باعىت بويىنشا باعدارلاردى جەلىمدەي وتىرىپ، ىزدەستىرۋ ءىس-شارالارى وتكىزىلدى. 

جاقىن ماڭداعى ۇيلەردىڭ اۋلالارى تەكسەرىلدى، حابار-وشارسىز كەتكەن ادام پاتەردى جالعا الۋى مۇمكىن دەگەن پاتەر اگەنتتىكتەرى باعدارلاندى. انىقتالعانداي، قىز الماتىعا كەتكەن. كەيىن پاۆلودار قالاسىنا ورالىپ، جەدەل ۋاكىلدەر ونى كافەلەردىڭ بىرىنەن تاپتى.

قازىرگى ۋاقىتتا ءجاسوسپىرىم اناسىنا تاپسىرىلدى، پروفيلاكتيكالىق اڭگىمە جۇرگىزىلدى. ايتا كەتۋ كەرەك، جىل باسىنان بەرى پاۆلودار وبلىسىنىڭ پوليسيا قىزمەتكەرلەرى جوعالعان 62 كامەلەتكە تولماعان بالانى ىزدەستىردى.