سىبايلاس جەمقورلىق – زامان اعىسىمەن بىرگە ءوسىپ، بۇگىنگى كۇنگە دەيىن جويىلماي كەلە جاتقان قوعامنىڭ ەڭ ءقاۋىپتى قۇبىلىستارىنىڭ ءبىرى. بۇل كەسەل قوعامعا ۇلكەن ءقاۋىپ توندىرەدى.
قازاقستان رەسپۋبليكاسىنىڭ «سىبايلاس جەمقورلىققا قارسى ءىس-قيمىل تۋرالى» زاڭى اياسىندا جەمقورلىقپەن كۇرەس ءار سالادا بەلسەندى تۇردە جۇزەگە اسىرىلىپ كەلەدى. بۇل ماسەلە اسىرەسە پاراقورلىقپەن بەتپە-بەت كەلگەن حالىق ءۇشىن وتە وزەكتى.
سىبايلاس جەمقورلىققا قارسى ءىس-قيمىلدىڭ نەگىزگى ماقساتى – قوعامدا بۇل قۇبىلىستى تۇبەگەيلى جويۋ جانە ونىڭ الدىن الۋ. بۇل ماقساتقا قول جەتكىزۋ ءۇشىن كەلەسى شارالاردى ىسكە اسىرۋ ماڭىزدى:
- سىبايلاس جەمقورلىققا مۇلدەم توزبەۋشىلىك مادەنيەتىن قالىپتاستىرۋ.
- سىبايلاس جەمقورلىققا ىقپال ەتەتىن سەبەپتەر مەن جاعدايلاردى انىقتاپ، ولاردى جويۋ.
- مەملەكەتتىك ورگاندار مەن ۇيىمداردىڭ ءوزارا ارەكەتتەستىگىن كۇشەيتۋ.
- حالىقارالىق ىنتىماقتاستىقتى دامىتۋ جانە ۇزدىك تاجىريبەلەردى ەنگىزۋ ارقىلى تيىمدىلىكتى ارتتىرۋ.
بۇل شارالار ادالدىق، اشىقتىق جانە ادىلدىك قاعيداتتارىن نىعايتۋعا باعىتتالعان.
قازاقستان رەسپۋبليكاسىنىڭ «سىبايلاس جەمقورلىققا قارسى ءىس-قيمىل تۋرالى» زاڭى سىبايلاس جەمقورلىقپەن كۇرەسۋدى بارلىق مەملەكەتتىك ورگاندار مەن وندا قىزمەت ەتەتىن لاۋازىمدى تۇلعالاردىڭ مىندەتى دەپ بەكىتەدى. مەملەكەتتىك مەكەمەلەر كورسەتىلەتىن قىزمەتتەر تۋرالى اقپاراتتى حالىققا قولجەتىمدى ەتىپ، اقپاراتتىق ستەندتەردە ورنالاستىرۋى قاجەت. ءار ازامات ساپالى مەملەكەتتىك قىزمەت الۋعا قۇقىلى. سونىمەن قاتار، مەكەمەلەردە جۇمىس توپتارى قۇرىلىپ، سىبايلاس جەمقورلىق تاۋەكەلدەرىن انىقتاۋ جانە ولاردى جويۋ جولدارىن قاراستىرۋ جۇيەلى تۇردە جۇرگىزىلۋى ءتيىس.
مەملەكەتتىك قىزمەتكەرلەردىڭ سىبايلاس جەمقورلىق ارەكەتتەرگە بوي الدىرۋىنىڭ ءارتۇرلى سەبەپتەرى بار. ولاردىڭ اراسىندا:
- كاسىبي ادەپتىلىكتىڭ جەتىسپەۋشىلىگى.
- جەكە باسىنىڭ قامىن ءبىرىنشى ورىنعا قويۋ.
- جالاقىنىڭ تومەندىگى سەكىلدى ماسەلەلەر كەزدەسەدى.
سوندىقتان وسىنداي قىلمىستاردىڭ الدىن الۋ ءۇشىن قىزمەتكەرلەرگە قۇقىقتىق وقىتۋ شارالارىن ۇيىمداستىرۋ، ولاردى سىبايلاس جەمقورلىق تاۋەكەلدەرىمەن تانىستىرىپ وتىرۋ قاجەت.
«الماتى قالاسى ناۋرىزباي اۋدانى اكىمى اپپاراتى» كمم 2024 جىلعا ارنالعان جۇمىس جوسپارى بويىنشا، مەكەمە قىزمەتكەرلەرى اراسىندا سىبايلاس جەمقورلىقتىڭ الدىن الۋ ماقساتىندا تۇراقتى تۇردە تۇسىندىرمە جۇمىستارى جۇرگىزىلىپ كەلەدى. سونداي-اق، مەكەمە قىزمەتكەرلەرى مۇددەلەر قاقتىعىسىنىڭ الدىن الۋ ءۇشىن سىبايلاس جەمقورلىققا قارسى ءىس-قيمىل شارالارىن بەلسەندى تۇردە جالعاستىرۋدا.