سىبايلاس جەمقورلىققا قارسى قىزمەت 55 ملرد تەڭگە سوماسىنا بيۋدجەت قاراجاتىنىڭ نەگىزسىز جۇمسالۋىنىڭ الدىن الدى
سىبايلاس جەمقورلىققا قارسى قىزمەت اتامەكەن ۇكپ «ءبىرىڭعاي ساتىپ الۋ تەرەزەسى» اقپاراتتىق جۇيەسى ارقىلى ساتىپ الىناتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ جوسپارلى باعالارىن كوتەرۋ تۇرعىسىنان مەملەكەتتىك ساتىپ الۋ مەن كۆازيمەملەكەتتىك سەكتوردىڭ ساتىپ الۋلارىنا مونيتورينگ جۇرگىزۋ بويىنشا جوبانى ىسكە اسىرۋدا، دەپ حابارلايدى aqshamnews.kz
2024 جىلدىڭ قورىتىندىسى بويىنشا 55،1 ملرد تەڭگە سوماعا ارتىق ءوسۋدىڭ الدىن الىندى، ونىڭ جارتىسى – 26 ملرد تەڭگە (نەمەسە 47%) بيۋدجەتكە قايتارىلدى. قالعان سومانى تاپسىرىس بەرۋشىلەر قايتا قارادى. جوسپارلى باعا تومەندەدى نەمەسە وسى اقشا شەڭبەرىندە ساتىپ الىناتىن تاۋار سانى ۇلعايدى. ماسەلەن، سقو-دا 230 ملن تەڭگەنىڭ زاڭسىز جۇمسالۋىنا جول بەرىلمەدى. اگەنتتىك پەتروپاۆلدا تەلەديدار مۇناراسىنا ارنالعان جارىقديودتى جابدىقتى مونتاجداۋ بويىنشا جۇمىستاردى ساتىپ الۋ توتەنشە جاعدايمەن بايلانىستى بولماسا دا، توتەنشە جاعدايلاردى جويۋ سىلتاۋىمەن جۇرگىزىلگەنىن انىقتادى. ناتيجەسىندە شارت بۇزىلىپ، بيۋدجەت قاراجاتى قايتارىلدى.
قاراعاندى وبلىسىندا مامانداندىرىلعان مۋزىكالىق مەكتەپ-ينتەرنات 9 ملن تەڭگەگە 18 مىڭ بوتەلكە اس سىركە سۋىن ساتىپ الۋدى جوسپارلاعان، بۇل مەكەمەنىڭ قاجەتتىلىگىنەن ەداۋىر اسىپ تۇسەدى (بارلىعى 460 ادام). سونىمەن قاتار، ءبىر بوتەلكەنىڭ باعاسى 300 تەڭگە نارىقتىق قۇنىنان 500 تەڭگەگە دەيىن كوتەرىلگەن، بۇل شىعىنداردى 3،5 ملن تەڭگەگە ارتتىردى. ءبىزدىڭ ارالاسۋىمىزدان كەيىن ساتىپ الۋ توقتاتىلدى، ال بيۋدجەت شىعىنى 9 ملن تەڭگەگە ۇنەمدەلدى.
سول سياقتى، قىزىلوردا وبلىسىندا وبلىستىق فيلارمونيا 300 قابىرعا سۋرەتىن ورتاشا نارىقتىق باعاسى ءبىر بىرلىگىنە 20 مىڭ تەڭگە بولا تۇرا 48 ملن تەڭگەگە (ءبىر كارتيناعا 160 مىڭ تەڭگەدەن) ساتىپ الۋدى جوسپارلاعان. قۇننىڭ ارتۋى 42 ملن تەڭگەنى قۇرادى. انتيكوردىڭ ۇسىنىسىنان كەيىن ساتىپ الۋ توقتاتىلىپ، قاراجات بيۋدجەتكە قايتارىلدى. سىبايلاس جەمقورلىققا قارسى قىزمەت مەملەكەتتىك ساتىپ الۋ سالاسىنداعى زاڭدىلىق پەن ءتارتىپتى قامتاماسىز ەتۋ بويىنشا جۇمىستى جالعاستىرۋدا.