سىبايلاس جەمقورلىققا قارسى ءىس-قيمىل تۋرالى 2021 جىلعى ۇلتتىق بايانداما جاريالاندى.
ق ر سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، قۇجاتتىڭ ماقساتى – قوعامدى 2021 جىلى قازاقستاننىڭ سىبايلاس جەمقورلىققا قارسى ساياساتىن ىسكە اسىرۋ ناتيجەلەرى تۋرالى حاباردار ەتۋ.
وندا سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگاننىڭ، سونداي-اق باسقا دا مەملەكەتتىك ورگانداردىڭ، كۆازيمەملەكەتتىك سەكتور سۋبەكتىلەرى مەن جۇرتشىلىقتىڭ وسى باعىتتاعى جۇمىسى باياندالدى، دەپ حابارلايدى Almaty-akshamy.kz
سىبايلاس جەمقورلىققا قارسى اعارتۋ، سىبايلاس جەمقورلىقتىڭ الدىن الۋ، قوعاممەن ارىپتەستىك، جاۋاپكەرشىلىكتىڭ بۇلتارتپاستىعى بويىنشا قابىلدانعان زاڭنامالىق جانە پراكتيكالىق شارالار، سونداي-اق بۇۇ سىبايلاس جەمقورلىققا قارسى كونۆەنسياسىنىڭ ەرەجەلەرىن، ەۋروپا گرەكو كەڭەسىنىڭ باسشىلىق قاعيداتتارىن جانە ەىدۇ ۇسىنىمدارىن ەسكەرە وتىرىپ، سىبايلاس جەمقورلىققا قارسى ساياساتتى ودان ءارى جەتىلدىرۋ جونىندەگى ۇسىنىستار ۇسىنىلدى.
بۇدان بولەك، قازاقستاننىڭ سىبايلاس جەمقورلىققا قارسى ساياسات ماسەلەلەرىندە حالىقارالىق ىنتىماقتاستىق بويىنشا كۇش-جىگەرى، ەلدە جانە الەمدە سىبايلاس جەمقورلىقتى قابىلداۋ دەڭگەيىن تاۋەلسىز باعالاۋ قورىتىندىلارى كورىنىس تاپتى.
«ۇلتتىق باياندامادا پرەزيدەنتتىڭ 2022 جىلعى 2 اقپانداعى جارلىعىمەن بەكىتىلگەن قازاقستان رەسپۋبليكاسىندا 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنا جانە ونى ىسكە اسىرۋ جونىندەگى ءىس-قيمىل جوسپارىنا نازار اۋدارىلدى.
قۇجات مەملەكەتتىك قىزمەتكەرلەرگە، ساراپشىلارعا، رەيتينگتىك اگەنتتىكتەرگە، قوعام قايراتكەرلەرىنە، عالىمدارعا جانە باسقا دا مۇددەلى تۇلعالارعا قىزىقتى ءارى پايدالى بولادى»، - دەلىنگەن اگەنتتىك حابارلاماسىندا.