2023 جىلى مەگاپوليستىڭ 8 تۇرعىنى جەمقورلىق فاكتىلەرىن اشكەرەلەۋگە كومەكتەسكەنى ءۇشىن اقشالاي سىياقى الدى.
بۇل تۋرالى وكق بريفينگىندە ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ارمان راحيموۆ ايتتى، دەپ حابارلايدى Almaty-akshamy.kz.
سونداي-اق، جىل باسىنان بەرى سىبايلاس جەمقورلىق فاكتىلەرىن حابارلاعان بەس تۇلعا ماراپاتتالدى. ونىڭ ىشىندە ۇشەۋى جالپى سوماسى 741 مىڭ تەڭگە اقشالاي سىياقى السا، قالعان ەكى مەملەكەتتىك قىزمەتكەر العىس حاتتارمەن ماراپاتتالدى.
سىبايلاس جەمقورلىققا قارسى قىزمەت وكىلى ازاماتتاردان بولەك مەملەكەتتىك قىزمەتكەرلەر دە سىبايلاس جەمقورلىق فاكتىلەرى تۋرالى حابارلايتىنىن اتاپ ءوتتى.
«الماتى قالالىق دەپارتامەنتىنە سوت اكىمشىلىگىنىڭ مامانى وعان قاماۋدان بوساتۋ تۋرالى قاۋلىنى شىعارۋدى جەدەلدەتۋ ءۇشىن پارا بەرۋ فاكتىسى تۋرالى ارىزبەن جۇگىنگەن. بۇل فاكت بويىنشا اتالعان قۇقىق بۇزۋشىلىقتى جاساعان تۇلعاعا قاتىستى ايىپتاۋ ۇكىمى شىعارىلدى. ءوز كەزەگىندە، مامان سىبايلاس جەمقورلىقپەن كۇرەستە كومەك كورسەتكەنى ءۇشىن العىس حاتپەن ماراپاتتالدى»، - دەدى ا. راحيموۆ.
وكق سپيكەرى اتاپ وتكەندەي، بۇل ءبىر عانا جاعداي ەمەس. سول سياقتى، شەكارا اسكەرلەرىنىڭ قىزمەتكەرى قايتا تەكسەرۋدەن كەيىن راستالعان زاڭسىز قۇقىق بۇزۋشىلىق فاكتىسى تۋرالى حابارلاپ، كوشى-قون سالاسىنداعى زاڭنامانىڭ بۇزىلۋىنىڭ الدىن الدى.
سىبايلاس جەمقورلىققا قارسى كۇرەسكە الماتى قالاسى تۇرعىندارىن دا بەلسەنە اتسالىسۋعا شاقىرادى. ناقتى زاڭ بۇزۋشىلىق فاكتىلەرى تۋرالى سىبايلاس جەمقورلىققا قارسى قىزمەتتىڭ 1424 تەلەفونى ارقىلى بايلانىس ورتالىعىنا حابارلاۋعا نەمەسە اگەنتتىكتىڭ اۋماقتىق دەپارتامەنتتەرىنە جۇگىنۋگە بولادى.