سۆەتلانا جاقىپوۆا: «ءقاۋىپسىز ەڭبەك – مينيسترلىكتىڭ باستى باسىمدىعى»

ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ۇكىمەت وتىرىسىندا ءقاۋىپسىز ەڭبەك جاعدايلارىن قامتاماسىز ەتۋ جانە ەڭبەك سالاسىن سيفرلاندىرۋ بويىنشا جۇرگىزىلىپ جاتقان جۇمىستار تۋرالى ايتتى.

ءمينيستردىڭ مالىمەتىنشە، 2024 جىلى وندىرىستىك جاراقاتتاردان 1408 ادام زارداپ شەگىپ، 202 ادام كوز جۇمعان. قازىرگى تاڭدا 445 مىڭنان استام جۇمىس ورنى زياندى نەمەسە ءقاۋىپتى دەپ تانىلعان. بۇل – ەڭبەك قاۋىپسىزدىگىن ارتتىرۋدىڭ وزەكتىلىگىن ايقىن كورسەتەدى، دەپ حابارلايدى aqshamnews.kz.

ەڭبەك مينيسترلىگى ەڭبەك سالاسىن جاقسارتۋ بويىنشا 10 نەگىزگى باعىتتا جۇمىس جۇرگىزىپ وتىر:

         •        وندىرىستىك تاۋەكەلدەردى اۆتوماتتى تۇردە باعالايتىن ەڭبەك تاۋەكەلدەرىنىڭ كارتاسىن ەنگىزۋ؛

         •        ەڭبەك جاعدايلارىن ۇزدىكسىز سيفرلىق باقىلاۋعا كوشۋ؛

         •        وندىرىستە زارداپ شەككەندەرگە الەۋمەتتىك قولداۋ جۇيەسىن جەتىلدىرۋ؛

         •        زياندى ەڭبەككە تارتىلعان قىزمەتكەرلەرگە ارنايى تولەمدەر مەن كەپىلدىكتەر ۇسىنۋ؛

         •        ۇجىمدىق شارتتاردى ەلەكتروندى فورماتقا كوشىرۋ؛

         •        كاسىپوداقتاردىڭ جەدەل باقىلاۋ قۇرالدارىن ەنگىزۋ؛

         •        كاسىپورىندار ءۇشىن ەڭبەك قاۋىپسىزدىگىنىڭ سيفرلىق بەيىنىن جاساۋ؛

         •        مەملەكەتتىك باقىلاۋ تەتىكتەرىن جەتىلدىرۋ؛

         •        رەتتەۋشى كەدەرگىلەردى ازايتۋ؛

         •        حالىقارالىق ەڭبەك ۇيىمىمەن ىنتىماقتاستىقتى كەڭەيتۋ.

سۆەتلانا جاقىپوۆا قازاقستاندا حالىقارالىق ەڭبەك ۇيىمىنىڭ جوبالىق كەڭسەسىن اشۋ جوسپارلانىپ جاتقانىن دا حابارلادى.

«ماقسات – ءادىل، ءتيىمدى جانە زاماناۋي ەڭبەك قاۋىپسىزدىگى جۇيەسىن قالىپتاستىرۋ»، – دەدى مينيستر.