جۇمىسشى ماماندىقتار جىلىنا ارنالعان ءىس-شارالار جوسپارىن جۇزەگە اسىرۋ شەڭبەرىندە 2025 جىلعى 05 مامىر كۇنى دۋالدىق وقىتۋعا قاتىسۋشى، كوللەدجىمىزدىڭ الەۋمەتتىك سەرىكتەسىنىڭ كاسىپورنى – Traveler`s Coffee كوفەينياسىندا 10130300 – تاماقتاندىرۋدى ۇيىمداستىرۋ ماماندىعىنىڭ، 3W10130303 – اسپازشى بىلىكتىلىگى بويىنشا تۋريزم جانە قوناقجايلىلىق يندۋسترياسى كوللەدجىنىڭ ۇزدىك تۇلەكتەرىن جۇمىسقا ورنالاستىرۋ بويىنشا «جۇمىسشى ماماندىقتارىنىڭ Prof-Marathon» ءىس-شاراسى وتكىزىلدى.
كوپتەگەن جىلدار بويى Traveller's Coffee كوللەدجدىڭ سەنىمدى جانە تۇراقتى الەۋمەتتىك سەرىكتەستەرىنىڭ ءبىرى بولىپ تابىلادى، وندا ءبىزدىڭ كوللەدج ستۋدەنتتەرى كاسىبي تاجىريبەدەن ءوتىپ، كەيىن جۇمىسقا ورنالاسادى. سونىمەن قاتار Traveller`s Coffee كاسىپورىنداردىڭ تاپسىرىسى بويىنشا تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار كادرلاردى دايارلاۋدىڭ – ماقساتتى تاپسىرىس باعدارلاماسىنا قاتىسادى.
اتالعان ءىس-شارانىڭ ماقساتى – وقۋ پروسەسى اياسىندا تابىستى جۇمىس ىزدەۋگە جاعداي جاساۋ، قۇزىرەتتىلىك دەڭگەيىن جوعارىلاتۋ جانە جۇمىس بەرۋشىلەر مەن جاس ماماندار اراسىندا تىكەلەي بايلانىس ورناتۋ بولدى.
ءبىر كۇن ىشىندە قاتىسۋشىلار ءبىرقاتار ماستەر-كلاستار مەن سەمينارلارعا قاتىسۋعا مۇمكىندىك الدى، وندا قوعامدىق تاماقتانۋ سالاسىنىڭ ساراپشىلارى ءوز تاجىريبەلەرىمەن ءبولىسىپ، جۇمىس ىزدەۋ بويىنشا كەڭەستەر بەردى. تالقىلاۋ تاقىرىپتارى تۇيىندەمە جازۋدان باستاپ اڭگىمەلەسۋدەن ءوتۋ ەرەكشەلىكتەرىن جانە وسى سالاداعى تابىستى مانساپ ءۇشىن قاجەتتى جەكە قاسيەتتەردى دامىتۋعا دەيىن قامتىدى.
وسى ءىس-شارا اياسىندا 1 كۋرس ستۋدەنتتەرى ءۇشىن كوفە تۇرلەرىن دايىنداۋ بويىنشا ماستەر-كلاسس وتكىزىلىپ، ستۋدەنتتەر ءتۇرلى كوفە تۇرلەرى، كوفە دايىنداۋ داعدىلارى، قۇرال-جابدىقتارمەن جۇمىس ىستەي ءبىلۋ تۋرالى اقپاراتتار الدى.
مۇنداي باستامالار ايماقتىڭ كادرلىق الەۋەتىن قالىپتاستىرۋدا ماڭىزدى ءرول اتقارادى جانە جاستارعا كاسىبي امبيسيالارىن جۇزەگە اسىرۋعا كومەكتەسەدى. بولاشاقتا مۇنداي ءىس-شارالاردى كەڭەيتىلگەن فورماتتا جانە كوپتەگەن جۇمىس بەرۋشىلەردىڭ قاتىسۋىمەن وتكىزۋ جوسپارلانۋدا.
سونىمەن قاتار، ءىس-شارادا بوس ورىندار جارمەڭكەسى ۇيىمداستىرىلىپ، وندا مەيرامحانالاردىڭ، كافەلەردىڭ جانە باسقا دا تاماقتانۋ كاسىپورىندارىنىڭ وكىلدەرى وزدەرىنىڭ اشىق پوزيسيالارىن ۇسىندى. قاتىسۋشىلار جۇمىس بەرۋشىلەرگە سۇراقتار قويىپ، قويىلاتىن تالاپتار مەن ەڭبەك جاعدايلارى تۋرالى ءبىلىپ، اڭگىمەلەسۋگە دايىندالۋ بويىنشا كەڭەستەر الدى.
ءىس-شاراعا قاتىسقان بىتىرۋشىلەر ونىڭ پايدالىلىعى مەن اقپاراتتىق مازمۇنىن اتاپ ءوتتى.
«مەن تۇيىندەمەنى دۇرىس جازۋ جانە اڭگىمەلەسۋگە دايىندالۋ تۋرالى كوپ اقپارات ءبىلدىم. سونداي-اق جۇمىسشى ىزدەپ جۇرگەن مەيرامحانا وكىلدەرىمەن دە سۇحباتتاسۋعا مۇمكىندىك تۋدى»، — دەپ تۋريزم جانە قوناقجايلىلىق يندۋسترياسى كوللەدجىنىڭ تۇلەگى الەكساندر نوۆيكوۆ ءوز اسەرىمەن ءبولىستى.
ۇيىمداستىرۋشىلاردىڭ بۇل باستاماسىن جۇمىس بەرۋشىلەر دە جوعارى باعالادى.
«مۇنداي ءىس-شارالار بىزگە دارىندى جاس مامانداردى تابۋعا جانە بىتىرۋشىلەرگە ءبىزدىڭ ولاردان نە كۇتەتىنىمىزدى جاقسى تۇسىنۋگە كومەكتەسەدى»، - دەپ Traveller's Coffee كوفەينيالار جەلىسىنىڭ برەند-شەفى اسلان ياگمۋروۆ اتاپ ءوتتى.
ءىس-شارا 70-تەن استام قاتىسۋشىلاردى، ونىڭ ىشىندە تۇلەكتەر مەن قىزمەتتىك ومىرگە الدىن الا دايىندالۋعا نيەتتى ستۋدەنتتەردى قامتىدى.
ۇيىمداستىرۋشىلار وقۋ ورىندارى مەن بيزنەس اراسىنداعى بايلانىستى ساقتاۋ، سونداي-اق قوعامدىق تاماقتاندىرۋ سالاسىنا جاستاردى تابىستى جۇمىسقا ورنالاستىرۋ ماقساتىندا مۇنداي كەزدەسۋلەردى جالعاستىرۋدى جوسپارلاپ وتىر. بۇل كادرلاردىڭ ساپاسىن جاقسارتىپ قانا قويماي، قالا مەكەمەلەرىندەگى قىزمەت كورسەتۋ دەڭگەيىن دە ارتتىرۋعا مۇمكىندىك بەرەدى.
ارونزون تاتيانا، Traveler`s Coffee كوفەينياسىنىڭ باس ديرەكتورى، ياگمۋروۆ اسلان، Traveler`s Coffee كوفەينياسىنىڭ برەند-شەفى، ابيلدايەۆا تولكىن – ادامي كاپيتالدى دامىتۋ ءبولىمىنىڭ باسشىسى، الماتى قالاسىنىڭ كاسىپكەرلەر پالاتاسى، سونىمەن قاتار تۋريزم جانە قوناقجايلىلىق يندۋسترياسى كوللەدجىنىڭ ديرەكتورى نۋرداۋلەت جابىكبايەۆ ستۋدەنتتەرگە جۇمىسقا ورنالاسۋدى راستايتىن سەرتيفيكاتتاردى تابىستادى.
وسىلايشا، ءىس-شارا تۇلەكتەر مەن جۇمىس بەرۋشىلەر ءۇشىن جاڭا كوكجيەكتەردى اشىپ، تاجىريبە الماسۋ مەن مۇمكىندىكتەردى تابۋدىڭ ءساتتى الاڭىنا اينالدى.
ديرەكتوردىڭ وقۋ ءىسى جونىندەگى ورىنباسارى:
مەكەبايەۆا نازىم ابلەزوۆنا