ءسۇتتىڭ دە سۇراۋى بار - قىمباتشىلىق

 ءبىر جىلدا ءسۇت 33% قىمباتتاعان، دەپ حابارلايدى Almaty-akshamy.kz.

«2022 جىلدىڭ 12 ايىندا سالاداعى ءوندىرىس كولەمى 573،3 مىڭ تونناعا جەتىپ، 2021 جىلدىڭ كورسەتكىشىنەن 6،2% استى.

وڭىرلەر اراسىندا وڭدەلگەن سۇيىق ءسۇت پەن قايماق ونىمدەرىنىڭ ءوندىرىسى سولتۇستىك قازاقستان (185،8 مىڭ توننا)، الماتى (99،2 مىڭ توننا)، اقمولا (82 مىڭ توننا) جانە قوستاناي (69،5مىڭ توننا) وبلاستارىندا ايتارلىقتاي ارتقان.

قاڭتاردىڭ قورىتىندىسىن قاراساق، ەلدە ءسۇت اي سايىن 1،4% قىمباتتاپ وتىرعان. بۇل 2022 جىلدىڭ قاڭتارىنداعى قىمباتشىلىق قارقىنىنان ەكى ەسە جىلدام دەگەن ءسوز (0،7%بولعان).

جىلدىق اۋقىممەن قاراساق، 2023 جىلعى قاڭتارداعى ءسۇت باعاسى 2022 جىلدىڭ قاڭتارىنداعى ءسۇت باعاسىنان 32،9% جوعارى بولىپ شىقتى. ۇلتتىق ستاتيستيكا بيۋروسىنىڭ مالىمەتى بويىنشا مۇنداي قىمباتتاۋ قارقىنى 2011 جىلدان بەرگى رەكورد بولىپ وتىر»، - دەپ جازىلعان ساراپتامادا. 

رەسۋرستىڭ مالىمەتى بويىنشا، بارىنەن بۇرىن مايلىلىعى 3،2-4% دەڭگەيىندەگى پاستەرلەنگەن ءسۇت قاتتى قىمباتتاعان – 31،2%. قايماق ونىمدەرى 30%، ا مايلىلىعى 2،5% بولاتىن پاستەرلەنگەن ءسۇت 28،8% قىمباتتاعان.

وڭىرلەر اراسىندا مايلىلىعى 3،2-4% دەڭگەيىندەگى پاستەرلەنگەن ءسۇت باعاسى، اسىرەسە، الماتى (43،5%)، سولتۇستىك قازاقستان (43،3%) جانە جەتىسۋ (36،2%) وبلاستارىندا ايتارلىقتاي وسكەن.