الىنعان شيكىزات الدىمەن زەرتحانادا تالدانادى.
1940-شى جىلى ىرگەتاسى قالانعان قاراتال اۋدانىنداعى زاۋىت بۇگىندە قاناتى قومداعان كاسىپورىن. 1996 جىلى «ايدىن» اق بولعان ماي زاۋىتى، 1998 جىلى وندىرىستىك كووپەراتيۆ بولىپ تۇرلەنەدى. ال 2002 جىلى «ۇشتوبە-ايدىن» ج ش س رەتىندە نىق بەكىدى. سودان بەرى ۇزدىكسىز جۇمىس جاساپ كەلە جاتقان ونەركاسىپتىڭ تاسى ورگە دومالاپ، ونىمدەرىمەن تۇتاس جەتىسۋ جەرىن قامتاماسىز ەتىپ وتىر، دەپ حابارلايدى Almaty-akshamy.kz.
قازىرگى تاڭدا اتالعان سەرىكتەستىك كۇندىگىنە 10-12 توننا ءسۇت پەن اشىعان ءسۇت ونىمدەرىنىڭ 16 ءتۇرىن شىعارادى.
نەگىزگى شيكىزات كوزى - سيىر ءسۇتى. كاسىپورىن ءسۇتتى ودان ءارى وڭدەۋ ءۇشىن شارۋا، فەرمەر قوجالىقتارى مەن جەكە كاسىپكەرلەردەن ساتىپ الادى. سەرىكتەستىك قاجەتتى ءسۇتتى وزدەرىنىڭ كولىكتەرىمەن تاسىمالدايدى. الىنعان شيكىزات الدىمەن زەرتحانادا تالدانادى.
«سۇتتەن اناليز الامىز. وندا ءونىمىنىڭ قىشقىلدىعىن، تىعىزدىعىن، مايلىلىعىن تەكسەرەمىز. ارتىنشا قايناتىپ، ورگانيكالىق ساپاسىن باقىلايمىز. زەرتتەۋ ناتيجەسى جاقسى شىقسا ارى قاراي پايدالانۋعا رۇقسات ەتىلەدى. ايتىپ وتەيىن، بىزدەگى ءسۇت ونىمدەرى تابيعي شيكىزاتتان جاسالاتىن بولعاندىقتان جارامدىلىق مەرزىمى ءۇش كۇن عانا»،-دەدى «ۇشتوبە-ايدىن» ءجشس-نىڭ زەرتحانا مامانى تولقىن بولىسبەكوۆا.
كاسىپورىندا كۇنىنە 500-600 كگ ىرىمشىك نارىققا جونەلتىلەدى. ال، جالپى زاۋىتتا 4 سەح دامىلسىز جۇمىس جاسايدى. وندا 85 قىزمەتكەر ەڭبەك ەتەدى. «ۇشتوبە-ايدىن» ج ش س الەۋمەتتىك ماڭىزى بار ءسۇت ونىمدەرىن ءوندىرۋ ءۇشىن 100% جەرگىلىكتى ەڭبەك رەسۋرستارىن جانە 100% جەرگىلىكتى شيكىزاتتى پايدالاناتىن وتاندىق تاۋار ءوندىرۋشى بولىپ تابىلادى.
قازاقستاندا العاشقىلاردىڭ ءبىرى بولىپ «ۇشتوبە-ايدىن» ج ش س يود جەتىسپەۋشىلىگىنىڭ الدىن الۋ جانە قازاقستان رەسپۋبليكاسىنىڭ تۇرعىندارىندا يود الماسۋىن رەتتەۋ ءۇشىن «اقىلدى ونىمدەر»، ياعني يودتالعان اقۋىزبەن بايىتىلعان ءسۇت جانە قىشقىل ءسۇت ونىمدەرىن ءوندىرۋدى يگەردى.
زاۋىتتاعى 16 ءتۇرلى تاۋاردىڭ ىشىندەگى ەڭ ايگىلىسى - «ۇشتوبە بالمۇزداعى».
ءدامى ءتىل ۇيىرەتىنى سونشا 1999 جىلدان بەرى تۇتىنۋشىسىنان ايىرىلماعان ونىمدەردىڭ ىشىندە بىرەگەيى. اعا بۋىن «بالالىق شاقتىڭ ءدامى» دەپ ەسكە الاتىن بۇل بالمۇزداق، «ۇشتوبە-ايدىن» ءجشس-نىڭ نەگىزگى ءتولقۇجاتى دەسەك ارتىق ايتقاندىق ەمەس.
الماتى وبلىسىنىڭ حالقىن تابيعي ونىممەن قامتاماسىز ەتىپ وتىرعان جەتەكشى كاسىپورىننىڭ تالدىقورعان، تەكەلى، ۇشتوبە، قارابۇلاق، بالپىق بي قالالارىندا ورنالاسقان فيرمالىق دۇكەندەرى بار، وندا ءسۇت ونىمدەرى ءوندىرۋشىنىڭ باعاسىمەن ساتىلادى.
سونداي-اق، 1999 جىلدان باستاپ قازىرگى ۋاقىتقا دەيىن "ۇشتوبە-ايدىن" ج ش س الماتى ق.، تالدىقورعان ق.، قارابۇلاق ك.، تەكەلى ق. جانە ۇشتوبە ق. مەكەمەلەرىنە ازىق-تۇلىك ونىمدەرىن مەملەكەتتىك ساتىپ الۋ بويىنشا ءسۇت ونىمدەرىن جەتكىزۋدى جۇزەگە اسىرادى. ءسۇت ونىمدەرىن ۇزدىكسىز جەتكىزۋدى قامتاماسىز ەتۋ ءۇشىن 31 بىرلىك ارنايى اۆتوكولىك بار.
«تۇتىنۋشىلاردىڭ ۇدەسىنەن شىعۋ ءۇشىن قولدان كەلگەندى جاسايمىز. ءونىمنىڭ ساپاسىنا، قاپتاماسىنا، سىرتقى ديزاينىنا اسا ءمان بەرەمىز. الداعى تاڭدا قاجەتتى قۇرىل-جابدىقتاردى الىپ كەلۋ جوسپارلانعان. جاڭا تەحنولوگيالاردىڭ كومەگىمەن وندىرەتىن زاتتىڭ كولەمىن ارتتىرىپ، نارىقتاعى ورنىمىزدى ودان ارى نىعايتساق دەگەن جوسپارىمىز بار. سونىمەن قاتار، جاڭا جۇمىس ورنىن اشۋدا كوزدەلگەن »،-دەيدى «ۇشتوبە-ايدىن»ج ش س باسشىسى كونستانتين ساۆينوۆ.