الماتى تۇرعىندارى قازان ايىنىڭ ءار سەنبىسىندە «قىزعىلت قازان» شاراسى اياسىندا الماتى ونكولوگيالىق ورتالىعىندا وتەتىن اشىق ەسىك كۇنىنە قاتىسا الادى، دەپ حابارلايدى aqshamnews.kz
ءىس-شارالار 9:00-13:00 ارالىعىندا وتەدى جانە ءسۇت بەزى وبىرىن ەرتە انىقتاۋعا باعىتتالعان. كەز كەلگەن ادام مامانداردان تەگىن كەڭەس الىپ، تەكسەرۋدەن وتە الادى.
اكسيانىڭ ماقساتى ايەلدەر اراسىندا ءسۇت بەزى قاتەرلى ىسىگىنىڭ الدىن الۋ ءۇشىن تۇراقتى سكرينينگتىك تەكسەرۋدىڭ ماڭىزدىلىعى تۋرالى اقپاراتتاندىرۋدى ارتتىرۋ بولىپ تابىلادى، ويتكەنى ەرتە دياگنوستيكا تابىستى ەمدەۋ مۇمكىندىگىن ايتارلىقتاي ارتتىرادى.
ءسۇت بەزىنىڭ قاتەرلى ىسىگى - ءسۇت بەزى تىنىندە داميتىن قاتەرلى ىسىك.
الماتى ونكولوگيالىق ورتالىقتىڭ ونكولوگ دارىگەرى اقەركە وبرازبايەۆانىڭ ايتۋىنشا، ءسۇت بەزى قاتەرلى ىسىگى جاسۋشالاردىڭ ءبولىنىپ، باقىلاۋسىز ءوسىپ، ىسىك تۇزە پايدا بولادى.
باستاپقى كەزەڭدە اۋرۋ سيمپتومسىز بولۋى مۇمكىن، ءبىراق ۋاقىت وتە كەلە ءسۇت بەزىندەگى تۇيىرشىكتەر، ءسۇت بەزىنىڭ ءپىشىنى نەمەسە مولشەرىنىڭ وزگەرۋى، ەمىزىكتىڭ تارتىلۋى جانە اعۋ سياقتى بەلگىلەر پايدا بولۋى مۇمكىن.
تاۋەكەل فاكتورلارىنا تۇقىم قۋالاۋشىلىق، جاس، گورمونالدى وزگەرىستەر جانە ءومىر سالتى (تەمەكى شەگۋ، سەمىزدىك) جاتادى.
ەرتە دياگنوستيكا، تۇراقتى مامموگرافيا جانە ءسۇت بەزىنىڭ ءوزىن-وزى باقىلاۋى ءسۇت بەزى قاتەرلى ىسىگىنىڭ الدىن الۋ جانە ءساتتى ەمدەۋدە ماڭىزدى ءرول اتقارادى.
ستاتيستيكاعا سۇيەنسەك، 2024 جىلدىڭ نەبارى 9 ايىندا الماتى ونكولوگيالىق ديسپانسەرىندە 552 ناۋقاس ديسپانسەرلىك ەسەپكە الىنعان.
ءسۇت بەزى قاتەرلى ىسىگىنىڭ ەرتە دياگنوستيكاسى ۋاقتىلى جانە ءتيىمدى مەديسينالىق كومەكتىڭ كىلتى ەكەنىن ەستە ساقتاڭىز، بۇل تولىق قالپىنا كەلتىرۋ مۇمكىندىگىن ايتارلىقتاي ارتتىرادى.